BODI YA UTALII (TTB) YAPEWA CHETI KWA MCHANGO WAKE DHIDI YA MAPAMBANO YA MALARIA KATIKA UZINDUZI WA MPANGO WA KUTOKOMEZA MALARIA UNAOITWA “MALARIA SAFE”

Waziri Mkuu wa Jamhuri ya Muungano wa Tanzania Mh. Mizengo Pinda akimkabidhi cheti Geofrey Meena Meneja Masoko wa Bodi ya Utalii Tanzania (TTB) kuitambua kwa mchango wake katika mapambano dhidi ya Malaria wakati wa uzinduzi wa Kampeni ya Kupambana na ugonjwa huo inayoitwa (Malaria Safe Companys) uliofanyika kwenye hoteli ya Hyatt Regency Dar es Salaam jijini dar es salaam usiku huu ambapo Wizara ya afya inashirikiana na pamoja na taasisi za kimataifa na Makampuni mbalimbali pamoja na Sekta ya michezo, ambapo wadau mbalimbali wameshiriki katika uzinduzi huo.

PICHA NA FULLSHANGWEBLOG.COM

Waziri wa Afya na Ustawi wa jamii Mh. Hussein Mwinyi akimpongeza Bw. Geofrey Meena baada ya kupokea cheti hicho kwa niaba ya Bodi ya Utalii Tanzania (TTB).

Waziri Mkuu wa Jamhuri ya Muungano wa Tanzania Mh. Mizengo Pinda akimkabidhi cheti Mzee CHrisant Mzindakaya Mwenyekiti wa Kampuni ya Kuzalisha nyama ya mkoani Rukwa kwa mchango wake katika kupambana na Malaria nchini.

Waziri Mkuu Mh. Mizengo Pinda akiwa katika picha ya pamoja na wadau makampuni na taasisi mbalimbali wanaopambana na ugonjwa wa malaria nchini mara baada ya uzinduzi huo.

Waziri Mkuu wa Jamhuri ya Muungano ya Tanzania Mh. Mizengo Pinda akizungumza na Waziri wa Afya na Ustawi wa Jamii Dk. Hussein Mwinyi wakati akiwasili kwenye hoteli ya Hyatt Regency Dar es Salaam kwa ajili ya kuzindua rasmi kampeni ya kupambana na Malaria inayoitwa "Malaria Safe Companys" , kulia ni Kaimu Mkuu wa mkoa wa Dar es salaam Mh. Raymond Mushi.

Waziri Mkuu wa Jamhuri ya Muungano ya Tanzania Mh. Mizengo Pinda akizungumza na Rais Washirikisho la Mpira wa miguu nchini TFF Bw. Leodger Tenga wakati alipowasili katika hoteli ya Hyatt Regency Dar es Salaam kwa ajili ya uzinduzi wa kampeni ya kupambana na ugonjwa wa Malaria, kushoto ni Waziri wa Afya na Ustawi wa Jamii Dk. Hussein Mwinyi.

Wadau waliohudhuria katika uzinduzi wa kampeni ya kupambana na ugonjwa wa malaria kutoka kulia ni Mkurugenzi wa michezo katika Wizara ya Habari, Vijana , Michezo na Utamaduni Bw. Leonald Thadeo, Assah Mwmbene Mkurugenzi wa Idara ya Habari Maelezo, Mbunge wa Jimbo la Temeke Mh. Abbas Mtemvu na Mbunge na Waziri wa zamani Mh. Chrisant Mzindakaya.

Wadau mbalimbali wakiwa katika uzinduzi huo katika Hyatt Regency Dar es Salaam

Mkurugenzi wa Sahara Media Bw. Samwel Nyala kushoto akiwa na wadau wengine katika uzinduzi huoHyatt Regency Dar es Salaam.

Wadau mbalimbali waliohudhuria katika uzinduzi huo kwenye hoteli ya Hyatt Regency Dar es Salaam

Waziri Mkuu Mh. Mizengo Pinda akiandika kitu huku Waziri wa Afya na Ustawi wa Jamii Mh. Hussein Mwinyi akipiga makofi katika uzinduzi huo.

Meneja Mkuu wa Kampuni ya Azam Mzee Salim Mohamed Abeid Bakhressa akitoa ushuhuda kuhusu malaria ilivytokomezwa katika viwanda vyao.

Rais wa Shirikisho la mpira wa miguu nchini TFF Bw, Leodger Tenga akizungumza katika hafla ya uzinduzi huo jinsi sekta ya michezo ilivyosaidia kutokomeza malaria nchini.

 

Mwimbaji nguli wa muziki wa Taarab Khadija Kopa pamoja na kundi lake wakitumbuiza katika hafla hiyo iliyofanyika usiku huu kwenye hoteli ya Hyatt Regency Dar es Salaam

RAIS WA ZANZUBAR DK.ALI MOHAMED SHEIN AREJEA NCHINI AKITOKEA VIETNAM ALIKOKUWA KWA ZIARA YA KISERIKALI..

Rais wa Zanzibar na Mwenyekiti wa Baraza la Mapinduzi Dk Ali Mohamed Shein,akivalishwa Shada la mauwa alipowasili katika uwanja wa Ndege wa Kimataifa wa Abeid Amani Karume wa Zanzibar,akirejea Nchini kutoka ziara ya Kiserikali nchini Vietnam.

Rais wa Zanzibar na Mwenyekiti wa Baraza la Mapinduzi Dk Ali Mohamed Shein,akiwasalimia Vijana wa Chama cha Mapinduzi CCM

Rais wa Zanzibar na Mwenyekiti wa Baraza la Mapinduzi Dk Ali Mohamed Shein,akisalimiana na Makamo wa Pili wa Rais wa Zanzibar Balozi Seif Ali Iddi,wakati wa mapokezi alipowasili katika uwanja wa Ndege wa Kimataifa wa Abeid Amani Karume wa Zanzibar,akirejea Nchini kutoka ziara ya Kiserikali nchini Vietnam.

Rais wa Zanzibar na Mwenyekiti wa Baraza la Mapinduzi Dk Ali Mohamed Shein,akizungumza na Waandishi wa Habari wa Vyombo mbali mbali nchini alipowasili katika uwanja wa Ndege wa Kimataifa wa Abeid Amani Karume wa Zanzibar,akirejea Nchini kutoka ziara ya Kiserikali nchini Vietnam.

DK.SHEIN AENDELEA NA ZIARA NCHINI VIETNAM.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein, akiwapungia mkono wanachama wa Chember of Commerce and Industry wa nchini Vietnam baada ya kuzungumza nao katika jumba la jumuiya hiyo Mjini Hanoi.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akizungumza na Mabalozi wa Nchi zilizo katika jangwa la Sahara SADC wakati walipofika kumsalimia Rais katika Hoteli ya Melia Mjini Hanoi nchini Vietnam.

TIGO NA REACH FOR CHANGE YAKABIDHI DOLA 75,000 KWA WASHINDI.

Wadau mbalimbaliT wa masuala ya mawasiliano na maendeleo wakifuatilia hafla ya makabidhiano ya $75,000/ kwa washindi watatu wa mpango wa Tigo wa Reach For Change kwa kila mmoja kutekeleza miradi yao kupitia Shindano lhilo la wajasiriamali la.

 

Kaimu Mkurugenzi Mkuu wa Tigo, Andrew Hodgson (Kushoto) akiwa na washindi watatu wa shindano la Tigo Reach For Change, Bi. Brenda D. Shuma, Nyabange Chirimi na Thadei Msumanje, kulia ni Mkurugenzi wa Reach For Change Bi. Sarah Damber

Tigo na Reach For Change yakabidhi $75,000 kwa washindi watatu kila mmoja kutekeleza miradi yao kupitia Shindano la wajasiriamali la Reach for ChangeDar es Salaam, Tanzania, 28 Novemba, 2012. Mwezi Septemba mwaka huu, Tigo kwa kushirikiana na Shirika la kujitolea la Reach For Change kwa mara ya kwanza nchini Tanzania walizindua programu iliyodhamiria kutambua na kuendeleza mawazo madhubuti ya wajasiriamali  yenye lengo la kuboresha maisha ya watoto. Baada ya kampeni ya mwezi mmoja ya kutoa wito kwa watanzania wote wenye mawazo madhubuti kujitokeza kwa ajili ya ajili ya kuwasilisha maombi yao, tulipokea maombi 2480, ambapo waombaji 15 walifika fainali  ikifuatiwa na mchujo mkali ambao ulijumuisha wafanyakazi wa Tigo na Reach For Change pamoja na wataalamu wengine wa nje. Hawa waliendelea kuchujwa hadi tulipofanikiwa kupata washindi watatu  baada ya mawazo yao kupitishwa na jopo la majaji.

"Mpango wa kurejesha kwa Jamii sehemu ya faida yetu, ni moja ya nguzo ya kampuni yetu na tuna nia ya dhati na mpango huu wa Reach for Change, ambao ni sehemu ya mpango wetu kimataifa. Tigo Tanzania imepokea maombi yenye mvuto na ushindani wa hali ya juu. Washindi wa nafasi tatu za juu ambao wamechaguliwa leo si tu walishinda mioyo za majaji bali waliwavutia na ubunifu wa mipango yao dhubuti. Sasa waanapokea ufadhili wa $25,000 kama mshahara wa mwaka, kwa miaka mitatu mfululizo ili kuweza kuzingatia na kutimiza malengo yao," alisema Andrew Hodgson, Kaimu Mkurugenzi Mkuu Tigo.

Washindi wa shindano la wajasiriamali la Tigo Reach For change mwaka 2012 ni Brenda-Deborah Shuma, Nyabange Chirimi na Thadei Msumanje. Miradi yao watakayo ianzisha italenga katika kuwawezesha watoto wenye ulemavu na vijana wenye ujuzi wa kiufundi, kusaidia elimu ya watoto wa mitaani na kuboresha elimu kupitia Teknolojia ya Habari na Mawasiliano (ICT).

'Tigo Reach for Change' imelenga katika kuainisha na kusaidia wajasiriamali kwenye miradi ya kijamii na wenye mawazo yakinifu juu ya kuboresha maisha ya watoto wa Tanzania. Washindi hawa watatu sasa wanajiunga na programu ya miaka mitatu ya kuboresha miradi yao, ambapo mawazo yao yatabadilishwa kuwa miradi endelevu. Mbali na hayo, watapata mshahara wa dola 25,000 kwa mwaka kwa miaka mitatu mfululizo pamoja na  ushauri wa kitaalamu kutoka kwa wafanyakazi waandamizi wa Tigo.

Reach for Change ni Shirika la kujitolea lililoanzia Sweden ambalo lilianzishwa na Kinnevik, ambaye ndiye aliyeunda kampuni ya Millicom (shirika anzilishi la Tigo). Kampeni ya kutafuta wajasiriamali kwa mkakati wa Reach for Change kwa mara ya kwanza ulianzia huko Sweden mwaka 2010 ikifuatiwa na Russia 2011 kabla mwaka huo huo kuanzishwa barani AfriKa katika nchi ya Ghana. Hadi sasa imeweza kuboresha maisha ya watoto wapatao 140,000 nchini Ghana.

Tigo na Reach For Change imeanza rasmi utafutaji wa wajasiriamali kwenye miradi ya kijamii,  katika nchi zinazotoa huduma yake barani  Afrika, kwa kuzinduliwa kwanza Rwanda ikifuatiwa na Tanzania, halafu Ghana,  Congo DRC, Senegal na mwishomi itakuwa Chad miezi michache ijayo.

KALI YA MWAKA: MTOTO AMUUA MAMAYAKE KWA KUMPIGA NGUMI!

Akina mama waombolezaji wakisawazisha kaburi la marehemu Sinjembele Julius(62) aliyeuawa kwa kupigwa na mwanae Ndele Julius(25)

Baadhi ya waombolezaji wakishuhudia mazishi ya Sinjembele yaliyofanyika Nyumbani kwake katika kitongoji cha Igawilo kata ya Swaya Mbeya
 

UKISTAAJABU ya Musa utayaona ya firauni, unaweza kusema hadithi kumbe nikweli ,Mkazi wa  Swaya jijini Mbeya Ndugu Ndele  Julius amemuua mama yake mzazi kwa kumpiga mateke na ngumi kisha kutoroka pasipo julikana Novemba 25 mwaka huu.

Tukio hilo limetokea majira ya saa 10 jioni nyumbani kwa mama huyo mara baada ya kutokea kwa ugomvi kati ya mtoto wake na kijana  mwingine hali iliyopelekea mama huyo kuingilia ndipo alipo kutwa na mauti huo.

Akizungumzia tukio hilo Kamanda wa Polisi  Mkoani humo Ndugu Diwani Athumani amesema kuwa Chanzo cha tukio hilo ni ugomvi uliokuwepo kati ya mtoto wake na kijana  mwenzake kitendo ambacho kilipelekea mama huyo kuingilia ugomvi huo .

Amesema wakati  mama huyo akijaribu kuamulia ugomvu huo mtoto wake alicha kupigana na mwenzake na kuanza kumshambulia mama yake kwa kumpiga ngumi na mateke mwilini.

Amesema mama huyo alifariki muda mchache kutokana na kupigwa sehemu mbalimbali za mwili wake na kusababishiwa majeraha makuibwa yaliyopeleka kupoteza uhai wake.

Awali akizungumzia tukio hilo Mtoto wa Kwanza wa mama huyo Ndugu Razaro Mbwiga amesema kuwa mdogo wake alikuwa na tabia ya kugombana na mama yake marakwamara .

Hata hivyo teyari mwili huo umekwisha chukuliwa hospitali na kuzikwa ambapo katika maziko hayo Chama cha Muungano wa kijamii (Mujata) umewataka vijana kujiepusha na vitendo viovu kama uvutaji bangi na pombe za kienyeji kwani ndio chanzo cha kutokea kwa vurugu nyingi. Mjengwa.

BONDIA TYSON FURY KUMVAA WLADIMIR KLITSCHKO MWAKANI

LONDON, England

“Nimezungumza mara kadhaa na kocha wa Wladimir, Bernd Boente kuhusu pambano hilo na Tyson yu tayari sasa kwa hilo. Ni mpambano ambao unaweza kuwa katika uwanja wa soka katika kipindi cha kuanzia Mei, Juni au Julai

BONDIA mahiri Tyson Fury amepania kupanda ulingoni kupimana ubavu na Wladimir Klitschko kuwanuia ubingwa wa dunia kiangazi kijacho.

Fury, 24, bondia asiyepigika katika uzani wa ‘heavyweight,’ Jumamosi hii anapanda ulingoni kumvaa Mmarekani Kevin Johnson jijini Belfast, Ireland ya Kaskazini.

Na promota wa pambano la Jumamosi Mick Hennessy amedai kuwa, ushindi kwa Fury mwenye urefu wa futi 6.9, utampa fursa ya kuandaliwa pambano dhidi ya Klitschko - bingwa wa mikanda ya WBA, IBF, na WBO.

Hennessy alisema: “Nimezungumza mara kadhaa na kocha wa Wladimir, Bernd Boente kuhusu pambano hilo na Tyson yu tayari sasa kwa hilo.

“Ni mpambano ambao unaweza kuwa katika uwanja wa soka katika kipindi cha kuanzia Mei, Juni au Julai.

“Ujerumani ni nchi inayoweza kuwa kipaumbele chetu kupigwa pambano hilo, lakini nimeshazungumza na wamiliki wa Uwanja wa Old Trafford au Croke Park,” alisema Hennessy.

NAPE AONGOZA MAELFU MAZISHI YA SHARO MILIONEA, MUHEZA‏

Katibu wa NEC, Itikadi na Uenezi Nape Nnauye (Watatu kulia, waliobeba jeneza) akishiriki kubeba jeneza lenye mwili wa aliyekuwa msanii wa muziki wa kizazi kipya na filamu, Hussein Ramadhani maarufu kwa jina la Sharo Milionea, alipokiwakilisha Chama Cha Mapinduzi, kwenye mazishi ya msanii huyo, leo kwenye Kijiji cha  Lusanga, Muheza Tanga. (picha na Bashir Nkoromo)

 Mwana FA akitoa salam kwa niaba ya Wanamuziki wa Bongofleva, wakati wa mazishi hayo

Katibu wa NEC, Itikadi na Uenezi Nape Nnauye akiwa na Rais wa Bongo Movies Simon Mwakifyamba na Ofisa Habari wa Airtel Jackson Mbando, alipokiwakilisha Chama Cha Mapinduzi (CCM) kwenye mazishi ya aliyekuwa msanii wa muziki wa kizazi kipya na filamu, Hussein Ramadhani maarufu kwa jina la Sharo Milionea,leo kwenye Kijiji cha  Lusanga, Muheza Tanga. (Picha na Bashirb Nkoromo).

Mwili wa Marehemu ukiswaliwa kabla ya kwenda kuzikwa.

 Katibu wa NEC, Itikadi na Uenezi Nape Nnauye akitoa pole za Chama Cha Mapinduzi (CCM) alipokiwakilisha Chama Cha Mapinduzi (CCM) kwenye mazishi ya aliyekuwa msanii wa muziki wa kizazi kipya na filamu, Hussein Ramadhani maarufu kwa jina la Sharo Milionea,leo kwenye Kijiji cha  Lusanga, Muheza Tanga. (Picha na Bashir Nkoromo).
 

Katibu wa NEC, Itikadi na Uenezi, Nape Nnauye akimpa pole  Zaina Mkieli, Mama wa aliyekuwa msanii wa muziki wa kizazi kipya na filamu, Hussein Ramadhani maarufu kwa jina la Sharo Milionea, alipokiwakilisha Chama Cha Mapinduzi kwenye mazishi ya msanii huyo, leo kwenye Kijiji cha  Lusanga, Muheza Tanga. (Picha na Bashir Nkoromo).

KUMUONA JB MPIANA 100,000

 JB Mpiana akizungumza na waandishi wa habari jijini Dar es Salaam kuhusu shoo yake itakayofanyika Leaders Club Novemba 30.

Mtangaji wa Kituo cha Televisheni cha Channel Ten, Said Kilumbanga (kulia) akiwa amepozi na wanenguaji wa  mwanamuziki kutoka Congo, JB Mpiana

DAR ES SALAAM, Tanzania

MSANII nguli wa muziki wa dansi Afrika, JB Mpiana amewataka Watanzania kujitokeza kwa wingi na kushuhudia shoo yake itakayopigwa kwenye viwanja vya Leaders Club jijini Dar es Salaam Ijumaa hii, ambapo kiingilio kwa VIP A itakuwa sh 100,000 na kawaida sh 25,000.

Akizungumza jijini Dar es Salaam jana, JB Mpiana alisema, anajikubali na kuithamini kazi yake ambayo anaifanya na kuahidi kuwapa raha wapenzi na wadau mbalimbali wa muziki hapa nchini ambao watajitokeza siku hiyo.

“Kwanza nimefurahia sana mapokezi ya jana, hivyo basi nitawapa raha siku hiyo na pia nawapongeza waandaaji kwa kuona umuhimu na kuniteua mimi kufanya nao kazi siku hiyo, nimekuja na kikosi changu kamili cha watu 25, hivyo basi nina imani siku hiyo itakuwa raha sana,” alisema Mpiana.

Mpiana aliwataka wanamuziki wa hapa nchini, kujituma na kufanya kazi zao kwa ufanisi zaidi na kuziheshimu pia, ili waweze kufikia mafanikio ambayo wamejipangia kuyafikia, kwa kuwa hata yeye alianzia huko na ndio sababu amefikia hapa alipo.

Naye Mkurugenzi wa QS J Mhonda Entertainment, Joseph Mhonda, alisema kila kitu kimekamilika na kudai kuwa, kwa sasa wanasubiri siku ifike ili watanzania wapate raha na kile ambacho wamekitarajia.

Mhonda alisema, viingilio siku hiyo itakuwa sh 25,000 kwa atakayenunua tiketi mapema, huku 30,000 kwa watakaonunulia mlangoni na sh 100,000 VIP A kwa watakaonunua mapema huku kwa mlangoni ni sh 150,000.

Aliongeza kuwa, Mpiana ataanza kufanya shoo ukumbi wa Triple A, jijini Arusha na baadaye jijini Mwanza katika ukumbi wa Villa Park huku wasanii mbalimbali wakitarajiwa kutumbuiza siku hiyo ambao ni Ney Wamitego, H Baba, Mashujaa pamoja na Mb Dog.

SHARO MILIONEA PUMZIKA KWA AMANI

MFUKO WA MIKOPO USIO NA RIBA WAANZISHWA

DAR ES SALAAM, Tanzania

DIWANI wa Kata ya Charambe (CCM), Temeke,  Abdallah Chaurembo      ameanzisha Mfuko wa Mikopo ambao hauna riba, kwa ajili ya vikundi vya wajasiriamali wanawake katika kata hiyo.

Akizungumza na vikundi vya akina mama hao, kwenye hafla ya uzinduzi wa Mfuko huo iliyofanyika jijini Dar es Salaam jana, Chaurembo alisema mfuko huo utasaidia kukuza mitaji ya kina mama hao ambao ndiyo nguzo ya familia.

Alisema kuwa ameanzisha mfuko huo mahususi kwa akina mama kutokana na ukweli kwamba wao ndiyo wanaopambana na matatizo mbalimbali ya familia ikiwemo kusimamia afya na maendeleo ya watoto.

“Nilikuwa na uwezo wa kuanzisha mfuko kama huo kwa ajili ya vijana au hata wakina baba lakini nimeona wakina mama ndiyo wenye majukumu makubwa katika jamii yetu tofauti na sisi akina baba”alisema.

Aidha, Chaurembo alikabidhi sh 200,000 kila kikundi kati ya vikundi sita vilivyojitokeza kwenye hafla hiyo, ambapo aliwaasa vikundi hivyo vilivyopata mkopo huo, wakazitumie katika malengo waliyokusudia na si vinginevyo.

Alisema huo ni mkopo, kila kundi kitakachofanikiwa kumaliza mkopo huo kitaweza kupata mwingine zaidi yaw a awali.

“Fedha zipo kwa Ofisa Maendeleo wa kata hiyo, ni akina mama wenyewe kujipanga katika vikundi ili kupatiwa mafunzo ambayo yatawasaidia kuendesha biashara zao kwa ufanisi bila kubahatisha, hayo ndiyo masharti ya mkopo huu”alijinasibu.

Akizumzia mkopo huo kwa niaba ya wenzake, mmoja wa wanavikundi hivyo, Zena Said , alisema watahakikisha wanaitumia vyema fursa hiyo, bila kumuangusha diwani wao kwani hiyo ni mara ya kwanza kutokea katika kata hiyo kwa diwani kuanzisha mfuko kama huo, unaowalenga wanawake pekee.

Awali mgeni rasmi Peter Kirenge ambaye ni Katibu wa Chama cha Mapinduzi (CCM), alisema hatua aliyochukuliwa diwani huyo, haifai kubezwa bali inapaswa kuigwa na viongozi mbalimbali ikiwa wa vyama vya siasa au hata wadau mbalimbali, kwa kutoa mikopo isiyokuwa na kero kama vile riba kubwa ambayo wakati mwingine husababisha akina mama hao kushindwa kulipa na kunyang’anywa mali zao.

RAIS KIKWETE AZINDUA UKUMBI WA MPYA WA BUNGE LA AFRIKA MASHARIKI JIJINI ARUSHA

Spika wa Bunge Afrika Mashariki,Mhe. Margret Natongo Zziwa akimkaribisha Rais wa Jamhuri ya Muungano wa Tanzania,Mhe. Jakaya Mrisho Kikwete (kushoto) ili kulihutubia Bunge la Afrika Mashariki.Kulia ni Spika wa Bunge la Tanzania Mhe. Anne Makinda.

Rais wa Jamhuri ya Muungano wa Tanzania Mhe. Jakaya Mrisho Kikwete akilihutubia Bunge la Afrika Mashariki wakati alipofika kuzindua Ukumbi Mpya wa Bunge la Afrika Mashariki ulioko katika jengo jipya la Jumuiya ya Afrika Mashariki Jijini Arusha.

Baadhi ya Wabunge wa Bunge la Afrika Mashariki wakiwa katika picha ya pamoja na Mhe. Rais Jakaya Mrisho Kikwete.

Jengo jipya la Jumuiya ya Afrika Mashariki.

Spika wa Bunge la Tanzania Mhe. Anne Makinda akimpokea Rais wa Jamhuri ya Muungano wa Tanzania Mhe. Jakaya Mrisho Kikwete wakati alipokuwa akiwasili katika jengo jipya la Jumuiya ya Afrika Mashariki Jijini Arusha kwa lengo la kuzindua Ukumbi wa Bunge la Afrika Mashariki ulioko katika jengo hilo.

Spika wa Bunge la Africa Mashariki Mhe. Margret Natongo Zziwa (kulia) akimkaribisha Spika wa Bunge la Tanzania Mhe. Anne Makinda katika jengo hilo. Picha na Prosper Minja- Bunge.

SHARO MILIONEA AZIKWA LEO MCHANA MUHEZA NA MAMIA

Rafiki mkubwa wa marehemu Sharo Milionea,Mzee Majuto akiwa ameshikwa mkono na Msanii wa filamu JB wakielekea kwenye mazishi mapema mchana wa leo, Muheza mkoani Tanga.

 

 

 Mwili wa Marehemu Sharo Milionea ukiswaliwa mapema mchana huu kabla ya kupelekwa kwenye nyumba yake ya milele.

 

 

 Rafiki mkubwa wa marehemu Sharo Milionea,Mzee Majuto akiwa ameshikwa mkono na Msanii wa filamu JB wakielekea kwenye mazishi mapema mchana wa leo, Muheza mkoani Tanga. Hii ndio nyumba ya milele alimolazwa leo Hussei Sharo Millionea kwao mkoani Tanga