YANGA HAIKAMATIKI, YALIPA KISASI KWA KAGERA

Mshambuliaji wa Yanga Said Bahanuz, akijaribu kumfunga kipa wa Kagera Sugar Hannington wakati wa mechi ya Ligi Kuu kwenye Uwanja wa Taifa jijini Dar es Salaam.Picha na Jackson Odoyo

VINARA wa Ligi Kuu Tanzania Bara, Yanga jioni ya leo imeendelea kutakata kileleni kwa kupata ushindi wa bao 1-0 dhidi ya Kagera Sugar.
Bao hilo pekee lilitupiwa kambani na kiungo wa kimataifa Haruna Niyonzima 'Fabregas', na kuiwezesha Yanga kulipa kisasi kwa Kagera waliowatungua kama hivyo katika mechi yao ya kwanza iliyochezwa Oktoba 8 mwaka jana mjini Kagera.
Niyonzima alifunga bao hilo dakika ya 66 ya mchezo huo likiwa bao lake la pili mfululizo katika ligi kufuatia Jumamosi alipatia Yanga ushindi kama huo mbele ya Azam.
Katika mechi hiyo Yanga ilikosa penati katika kipindi cha kwanza baada ya Didier Kavumbagu kushindwa kufunga mkwaju wa adhabu hiyo iliyolewa na mwamuzi baada ya yeye mwenyewe kuchezewa faulo.
Kwa ushindi wa leo ambao umezima tambo za Kagera walioapa ni lazima waizamishe tena Yanga, imeifanya vinara hao kufikisha pointi 42 kutokana na mechi 18, ikiiacha Azam yenye pointi 36.
Katika mechi nyingine zilizochezwa leo, Coastal Union ya Tanga ikiwa nyumbani uwanja wa Mkwakwani ililazimishwa suluhu na Ruvu Shooting na kufikisha pointi 31 sawa na Simba japo inaendelea kusalia nafasi ya nne.
Wababe wa Simba, Mtibwa Sugar wakiwa uwanja wao wa Manungu ilijikuta ikilazimisha sare ya bila kufungana na maafande wa Prisons Mbeya, huku Polisi Moro iliendelea kuimarika kwa kuinyuka maafande wenzao wa Mgambo JKT ya Muheza Tanga kwa bao 1-0.
Bao hilo pekee la Polisi inayonolewa na nyota w zamani wa Pan na Yanga, Mohammed Rishard 'Adolph' Ally Jangalu lililowekwa kimiani na Kondo Salum kwa mkwaju wa penati katika kipindi cha pili.
Pambano jingine lililokuw alichezwe leo kati ya wenyeji JKT Ruvu dhidi ya Toto African, mechi hiyo imeahirishwa hadi kesho kutokana na kupisha pambano la Yanga na Kagera lililochezwa taifa.
Mechi hiyo itachezwa kwenye uwanja wa Chamazi, nje kidogo ya jijini la Dar es Salaam, huku kila kitu ikihitaji ushindi ili kujiweka pazuri katika msimamo wa ligi hiyo inayozidi kushika kasi.

WATOTO WA NKRUMAH ISSAH SAMIR NA PHILIP KOTEY KUPANDA ULINGONI MACHI 30 KUWANIA UBINGWA WA AFRIKA UZITO WA MIDDLE

Philip Koyey akichapa makonde na bondia Kelly Brook wa Uingereza.

Nchi ya Ghana iko katika hekaheka za mapambano kadhaa ya ngumi mwezi wa Machi tarehe 30 wakati ubingwa maarufu wa middle weight utakapo gombaniwa na mabondia Issah Samir na Philip Kotey.

Mabondia wawili hao ni maarufu sana katika tasnia ya ngumi nchini Ghana na barani Afrika kwa ujumla, ambao watakutana wakati wanapogombea mkanda wa IBF AMEPG uzito wa middle.

Muziki wa aina ya Tangle unahitaji watu wawili kuucheza na ndivyo hivyo miamba hii miwili itakapokutana kwenye 'muziki wa masumbwi' ulingoni wakati mabondia hao watakapokuwa wakionyeshana umwamba na kuwadhihirishia mashabiki wa masumbwi katika bara la Afrika kuwa wanasifa hizo kama wanavyotambulika.

Pambano hilo linaandaliwa na GoldMike Boxing Promotions Syndicate, kampuni inayoongozwa na bw. Michael Tetteh pamoja na kigunge mmoja wa biashara za vyakula vilivyokaushwa wa Ghana bw. Henry Many-Spain ambaye pia ni Makamu wa Rais wa IBF Africa idara ya fedha.

Kwa maana hiyo miamba hiyo inatarajia kukutana na kupanda jukwaani Machi 30,katika mpambano uliopewa jina la “Watoto wa Nkrumah” jina lilaloheshimika sana katika nchi ya Ghana kutokana na Rais wake wa kwanza Mh. hayati Kwame Nkrumah.   

Nchi ya Ghana imetokeza kuwa maarufu katika michezo na inajizatiti kuendeleza michezo yote hususan mpira wa miguu na ngumi. Ni nchi ambayo imeshawahi kutoa mabingwa wengi wa dunia kama kina Azumah Nelson na Ike Quartey ambao walikaa na mataji ya ubingwa wa ngumi kwa miaka kadhaa na kulitangaza vyema bala la Afrika.

Sasa ni juu ya miamba hii miwili kufuata nyayo za akina Azumah Nelson, Ike Quartey, Joseph Agbeko na wengine wengi!

ISSUED BY:

INTERNATIONAL BOXING FEDERATION AFRICA (IBF/AFRICA)

DAR-ES-SALAAM, TANZANIA

PICHA: PENZI LA DIAMOND NA PENNY SIO SIRI TENA!

tagazo

Shavu la Vodacom mahela latua kwa wafanyabiashara ndogo ndogo

 Meneja Mawasiliano wa Vodacom Tanzania Bi.Rukia Mtingw(kulia) akiongea na Mshindi kwenye simu ya mezani wakati wa Droo  ya  kuwapata washindi wa shilingi Milioni 5 na Milioni moja  katika  Promosheni ya"MAHELA"inayoendeshwa na kampuni hiyo,ambapo wafanyabiashara ndogondogo wa Kagera na Dar es Salaam, Rashid Kagombora na Adam Ramadhan wamejinyakulia kitita cha shilingi Milioni 5. Wanaoshuhudia kushoto ni Meneja Uhusiano wa Kampuni hiyo, Matina Nkurlu, Benjamin Michael, ambaye ni Maneja wa Huduma za Ziada na Afisa Mkaguzi kutoka bodi ya michezo ya kubahatisha Tanzania Bi.Chiku Salehe, Mteja anatakiwa kutuma neno"MAHELA"kwenda namba 15544 na kuweza kujishindia.Zaidi ya shilingi Milioni 400 zinaendelea kushindaniwa. Picha kwa Hisani ya Vodacom Tanzania.

KONYAGI, NMB WAPETA KATIKA TUZO!!

 

 Mkurugenzi wa Kasmpuni ya Konyagi akiwa\ na baadhi ya stafu wa kampuni hiyo na muhusika wa tuzo hizo

 Mkurugenzi Mkuu wa TDL (KONYAGI) MR.David Mgwassa

 Mkurugenzi Mkuu wa TDL (KONYAGI) Bw.Da\vidi Mgwassa akizungumza na baadhi ya waaliokwa wa katika Hafla hiyo ya utoaji vyeti vya ubora wa bidhaa

Mkuu wa masoko na mawasiliano wa NMB,Imani Kajula akipokea tuzo ya super  brand kutoka kwa
mkurugenzi wa super brand East Africa Jawad Jaffer..


Baadhi ya wafanyakazi wa Idara ya Masoko na Mawasiliano wa NMB wakiwa na tuzo ya super brand 2013-2014.

Baada ya miaka saba ya uwekezaji endelevu katika kuboresha huduma, masoko na mtandao wa matawi. NMB sasa inazaidi ya matawi 148, ATM zaidi ya 500, wateja wanaotumia NMB mobile kupata huduma zaidi ya 800,000 na huduma mbadala kama intenet banking, kituo cha huduma kwa wateja na POS. Wateja wa NMB sasa wanapata huduma popote walipo bila kuhitajika kwenda kwenye tawi la NMB. Maboresho hayo yameiwezesha NMB kutunukiwa kuwa Super Brand mwaka 2013-2014. NMB imekua namba moja katika sekta ya benki

Maimatha Jesse: Jamani msinitamani, nimeolewa mieeee

Mdau wa muziki wa dansi, Maimatha Jesse

Na Kambi Mbwana, Dar es Salaam

MWANADADA machachari katika sekta ya utangazaji na udau wa muziki, Maimatha Jesse, aliwaacha watu hoi kwa kuwatangazia watu kuwa waache kumuangalia mara mbilimbili kwasababu nafasi zimeisha kwa kusema eti ameolewa.

Kauli hiyo iliwafanya watu waanguwe kicheko wakati mwanadada huyo anazungumzia kuanzisha upya kwa shindano lake la Kigoli wa Extra Bongo na Manywele mwaka 2013, ambalo hadi sasa mipango ya kulitangaza kwa wadau inaendelea.

Huku akirembua macho yake na kubinua barabara mdomo mbele ya hadhira ya waliohudhuria kikao hicho mchana wa leo, Maimatha alishindwa kujizuia na kutamka kuwa yoyote anayemuangalia kwa matamanio ajuwe ameolewa.

“Jamani, ngojeni niwaangalie vizuri nyie wote lakini hadi mwisho mjuwe nimeolewa,” alisema dada huyo ingawa pia hakusema yupo kwenye ndoa na mtu gani.

Hata hivyo kauli kama hii, mwanadada huyo mwenye sura ya mvuto, aliitoa kama sehemu ya kuchangamsha baraza na wala hakuwa na lengo la kujitangaza kwa wadau waliokwenda kusikia kauli ya harakati za Kigoli, akiwa sambamba na Mkurugenzi wa bendi ya Extra Bongo, Ally Choki, mwenye mipango ya kuiweka juu zaidi bendi yake.

Katika kikao hicho, Choki pia alitumia fursa hiyo kumtangaza repa Papy Catalogue, Adam Mbombole na Nadine Conpresor, alijiunga na bendi hiyo akitokea Akudo Impact.

WAZIRI WA MAMBO YA NNJE WA OMAN AKUTANA NA DK.SHEIN.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akimkabidhi zawadi ya Mlango wa Zanzibar, Waziri wa Mambo ya Nje wa Oman,Yussuf bin Alawi Bin Abdullah,alipofika Ikulu Mjini Zanzibar akiwa na Ujumbe wake leo,

Balozi wa Tanzania Nchini Oman,Ali Ahmed Saleh, (kushoto) Mkurugenzi wa Mashariki ya Kati  wa nchi za Nje,Hassan Simba Yahya (kati) na Afisa Ubalozi wa Tanzania nchini Oman, Said Shaib Mussa, walipoungana na katika mazungumzo ya Ujumbe wa Serikali ya Watu wa Oman, ukiongozwa na  Waziri wa Mambo ya Nje wa Oman,Yussuf bin Alawi Bin Abdullah, (hayupo pichani ) na Rais wa Zanzibar katika ukumbi wa Ikulu Mjini Zanzibar.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein, akisalimiana na Waziri wa Mambo ya Nje wa Oman,Yussuf bin Alawi Bin Abdullah, alipofika Ikulu Mjini Zanzibar akiwa na Ujumbe wake leo, kwa ajili ya Mazungumzo na Rais.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akizungumza  na  Waziri wa Mambo ya Nje wa Oman,Yussuf bin Alawi Bin Abdullah,alipofika Ikulu Mjini Zanzibar akiwa na Ujumbe wake leo

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akizungumza na Ujumbe wa Serikali ya Watu wa Oman,ukiongozwa na  Waziri wa Mambo ya Nje wa Oman,Yussuf bin
Alawi Bin Abdullah,(wa pili kulia) alipofika Ikulu Mjini Zanzibar akiwa na Ujumbe wake leo,kwa ajili ya Mazungumzo na Rais

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,(katikati) akiwa katika picha ya pamoja na Ujumbe wa Serikali ya Watu wa Oman,ukiongozwa na  Waziri wa Mambo ya Nje wa Oman,Yussuf bin Alawi Bin Abdullah,(wa pili kushoto) baada ya mazungumzo yao  walipofika Ikulu Mjini Zanzibar, Picha na Ramadhan Othman,IKulu.

RADIO IMANI NA KWANEEMA ZAFUNGIWA, CLOUDS YAPEWA ONYO!

Mamlaka ya Mawasiliano Tanzania.

HABARI zilizotufikia hivi punde kutoka katika chanzo cha uhakika kabisa ni kwamba Mamlaka ya Mawasiliano Tanzania (TCRA) imevifungia vituo viwili vya Radio ikiwemo Radio Iman ya mjini Morogoro na Radio kwa Neema kwa muda usiopungua miezi sita huku Radio Clouds FM ya jijini Dar Es Salaam ikipewa onyo na kutakiwa kulipa faini katika kipindi cha mwezi mmoja.
Sababu za kufungiwa:
- Kwa Neema FM Mwanza: Sababu ni kushabikia maswala ya uchinjaji Mwanza
- Radio Iman FM Morogoro: Kushabikia watu kutoshiriki Sensa 2012
- Clouds FM: Kushabikia ushoga & kuendesha kipindi kisichofuata maadili (Jicho la Ng’ombe)

SASA NI ZAMU YA FREDERICK LAWSON NA ISSAC SOWAH KUONYESHANA UBABE.

Bondia Joseph Agbeko baada ya moja ya ushindi wake

RAIA wa Ghana Frederick Lawson na Issac Sowah wanatarajia kupanda ulingoni tarehe 8 Machi kugombea mkanda wa IBF katika bara la Afrika, Ghuba ya Uajemi na Mashariki ya Kati (IBF AMEPG)  katika uzito wa Welterwweight kwenye uwanja wa Accra Sports jijini Accra, Ghana. Mabondia hao wamepangwa katika kapambanoi ya utangukizi wakati wa mpambano mkubwa wa kugombea mkanda wa dunia kati ya bondia wa Ghana na ambaye alikuwa bingwa wa dunia wa IBF katika uzito wa bantam Joseph Abgbeko na bondia Luis Melendez kutoka nchi ya Columbia iliyoko bara la Amerika ya Kusini.

Wawili hao wanatoka katika maskani ya Bukom iliyoko kwenye kiunga cha Lebanon jijini Accra kinachosifika kwa kutoa mabingwa wengi wa dunia. Kuingia kwa mabondia hawa wawili kwenye mpambano huo kutatoa burdani ya aina yake kwa mashabiki wa ngumi wa Ghana pamoja na nchi nyingi za Afrika ya Magharibi. IBF inaipa pongezi sana nchi ya Ghana iliyokuwa inaitwa Pwani ya Dhahabu au Gold Coast kwa kuonyesha nia thabiti ya kuinua vipaji vya mchezo wa ngumi na kuufanya mchezo huu kurudi nyumbani.  Ghana inasikfika sana kwa kuweza kutoa mabingwa wengi wa nguni wa zamani ambao walisifika sana kwa uwezo wao wa kurusha masumbi wakiwamo D.K. Poison, Marvelous Nana Yaw Konadu, Azumah Nelson, Ike "Bazooka" Quartey, Alfred "Cobra" Kotey na Joseph King Kong Agbeko ambaye anatarajia kuonyesha makeke yake siku hiyo ya tarehe 8 Machi.

WADAU WA VIWANDA VYA CEMENT AFRICA WAKUTANA KATIKA MKUTANO WA TANO NCHINI TANZANIA KUZUNGUMZIA KUKUWA KWA SEKTA YA CEMENT

 Waziri wa Viwanda na Biashara, Dk. Abdallah Kigoda (kulia) akijadiliana jambo na wadau wa viwanda vya cement waliohudhuria mkutano wa tano kuhusu sekta ya cementi katika bara la Afrika (katikati) Mkurugenzi wa kiwanda cha Twiga Cement Kanda ya Africa Mashariki, Pascal Lesoinne (kushoto) Mkurugenzi wa biashara wa Kampuni ya Dangote, Dk Stanley CM Ko. Mkutano huo wa siku mbili umeanza jijini Dar es Salaam Ferbruari 26. (Picha na Chris Mfinanga)

 Mkurugenzi wa biashara wa Kampuni ya Dangote, Dk Stanley CM Ko akijaongea na waandishi wa habari wa kituo cha Televisheni ya Taifa TBC wakatika wa Mkutano huo.

 Mkurugenzi wa biashara wa Kampuni ya Dangote, Dk Stanley CM Ko (katikati) akijadiliana jambo na Afisa Mtendaji Mkuu wa Camel Oil Abdallah Nahdi (kulia) na Mshauri wa Biashara wa Kampuni ya Zabol Cement Arash Ehsanfar katika mkutano wa wadau wa viwanda vya cement tano kuhusu sekta ya cementi katika bara la Afrika uliofanyika Dar es Salaam Februari 26 2013. Mkutano huo wa ni wa siku mbili.

Waziri wa Viwanda na Biashara, Dk. Abdallah Kigoda (katikati) akiwa katika picha ya pamoja na baadhi ya wakurugenzi wadau wa viwanda vya cement waliohudhuria mkutano wa tano kuhusu sekta ya cementi katika bara la Afrika Dar es Salaam Februari 26 2013

WANAFUNZI WALIOSHINDA SHINDANO LA INSHA WAKABIDHIWA ZAWADI ZAO

 Afisa Elimu mkoa wa Dar es Salaam Raymond Mapunda (kushoto) akimkabidhi hivi karibuni katika ukumbi wa Karimjee zawadi ya redio (music sytem) Winfrida Leonard  kutoka shule ya Sekondari ya wasichana ya WAMA – Nakayama iliyopo Rufiji mkoani Pwani ambaye alishika nafasi ya tatu katika mashindano ya kuandika insha kuhusu maadili na madhara yake kwa vijana wa Tanzania. Mashindano hayo yaliandaliwa na umoja wa wanafunzi wa Tanzania waliosomeshwa kwa ufadhili wa Japan (JATA) ambapo jumla ya wanafunzi 32 kutoka shule nane  walishiriki.

 Faiza Ussi  kutoka shule ya Sekondari ya Sunni Madressa ya mjini Zanzibar alifurahia zawadi ya laptop aliyopewa hivi karibuni katika ukumbi wa Karimjee mara baada ya kuibuka mshindi wa kwanza katika mashindano ya kuandika insha kuhusu maadili na madhara yake kwa vijana wa Tanzania. Mashindano hayo yaliandaliwa na umoja wa wanafunzi wa Tanzania waliosomeshwa kwa ufadhili wa Japan (JATA) ambapo jumla ya wanafunzi 32 kutoka shule nane  walishiriki.

 Washindi kumi walioshiriki  shindano la kuandika insha kuhusu maadili na madhara yake kwa vijana wa Tanzania lililoandaliwa na umoja wa wanafunzi wa Tanzania waliosomeshwa kwa ufadhili wa Japan (JATA)  wakiwa katika picha ya pamoja hivi karibuni katika ukumbi wa Karimjee na baadhi ya wageni waalikwa waliohudhuria hafla hiyo.  Wanafunzi 32 kutoka shule nane  walishiriki katika mashindano hayo yaliyoandikwa kwa lugha ya kiingereza ambapo mshindi wa kwanza alipata laptop yenye thamani ya dola 600 za kimarekani.

 Baadhi ya wafanyakazi wa Taasisi ya Wanawake na Maendeleo (WAMA) wakiwa katika picha ya pamoja hivi karibuni na wanafunzi wanne kutoka shule ya Sekondari ya wasichana ya WAMA-Nakayama walioshiriki    shindano la kuandika insha kuhusu maadili na madhara yake kwa vijana wa Tanzania lililoandaliwa na umoja wa wanafunzi wa Tanzania waliosomeshwa kwa ufadhili wa Japan (JATA)  nakushika nafasi ya tatu, sita, saba na tisa.  Wanafunzi 32 kutoka shule nane  walishiriki katika mashindano hayo yaliyoandikwa kwa lugha ya kiingereza ambapo shule ya WAMA-Nakayama aliibuka mshindi wa jumla.

SERIKALI YAKABIDHI PIKIPIKI 16 JESHI LA POLISI RUVUMA

 Mkuu wa Mkoa wa Ruvuma Said  Mwambungu akijaribu kuwasha moja ya pikipiki 16 zilizotolewa  jana na  serikali kwa jeshi la polisi mkoani humo  ili ziweze kusaidia ulinzi katika ngazi ya tarafa,katikati kamanda wa polisi mkoani humo Deusdedit Nsimeki na kulia mstahiki meya wa manispaa ya Songea Charles Mhagama. (PICHA ZOTE NA MUHIDINI AMRI)

TIBAIJUKA AMALIZA MGOGORO WA ARDHI NGORONGORO.

Waziri wa Ardhi Nyumba na Maendeleo ya Makazi,Profesa Anna Tibaijuka ambaye pia ni Mjumbe wa Kamati Kuu wa Chama Cha Mapinduzi(CCM)akizungumza na wananchi wa vijiji vya Olorien Magaiduru na kijiji cha Mgongo, Kata ya Samunge katika ziara yake ya kutatua migogoro ya ardhi wilayani Ngorongoro na kufanikiwa kumaliza mgogoro wa muda mrefu ambao ngazi zote za Mkoa huo zilishindwa.

Mkurugenzi wa Upimaji na Ramani,Dk Selassie Mayunga akiwa amejumuika na wananchi wa kijiji cha Sale,wilayani Ngorongoro  kwenye mkutano uliokuwa unahutubiwa na Waziri wa Ardhi,Nyumba na Maendeleo ya Makazi,Profesa Anna Tibaijuka  kwenye ziara ya kutatua migogoro ya ardhi wilayani humo.

NMB YAWA SUPER BRAND

Baada ya miaka saba ya uwekezaji endelevu katika kuboresha huduma, masoko na mtandao wa matawi. NMB sasa inazaidi ya matawi 148, ATM zaidi ya 500, wateja wanaotumia NMB mobile kupata huduma zaidi ya 800,000 na huduma mbadala  kama intenet banking, kituo cha huduma kwa wateja na POS. Wateja wa NMB sasa wanapata huduma popote walipo bila kuhitajika kwenda kwenye tawi la NMB. Maboresho hayo yameiwezesha NMB kutunukiwa kuwa Super Brand mwaka 2013-2014. NMB imekua namba moja katika sekta ya benki.

Mkuu wa masoko na mawasiliano wa NMB,Imani Kajula akipokea tuzo ya super  brand kutoka kwa
mkurugenzi wa super brand East Africa Jawad Jaffer.

Afisa Mtendaji Mkuu wa NMB, Mark Wiessing akizungumza na Mkurugenzi Mkuu wa Clouds Media Group, Joseph Kussaga (Kulia) na Mkuu wa Masoko na Mawasiliano wa NMB Imani Kajula.


Baadhi ya wafanyakazi wa Idara ya Masoko na Mawasiliano wa NMB wakiwa na tuzo ya super brand 2013-2014

BLOG YA KAMANDA WA MATUKIO YAPATA TUZO KATIKA KONGAMANO LA NHIF

Mmiliki wa Blog ya Kamanda wa Matukio, Richard Mwaikenda akionesha tuzo ya cheti aliyopatiwa na Uongozi wa Mfuko wa Taifa wa Bima ya Afya (NHIF), kwa kutambua mchango wake katika masuala ya mfuko huo, wakati wa Kongamano la NHIF na Wanahabari la kujadili tafiti zilizofanywa na wanahabari katika halmashauri 26 nchini kuhusu matumizi ya fedha zinazochangwa na wananchi kwa ajili ya Afya. Kongamano hilo lililoshirikisha wanahabari 150  lilimalizika mwishoni mwa wiki Mjini Mtwara.

Mkuu wa Wilaya ya Kalmbo, Moshi Chang'a (katikati) akimkabidhi tuzo hiyo Mmiliki wa Blog ya Kamanda wa Matukio, Kamanda Richard Mwaikenda. Kushoto ni Mkurugenzi Mkuu wa NHIF, Emmanuel Humba.

Mmiliki wa Blog ya Kamanda wa Matukio, Kamanda Richard Mwaikenda (katikati), akiwa na wanahabari wenzie wakati wa Kongamano hilo lililofanyika kwenye Ukumbi wa Benjamini Mkapa katika Chuo cya Ualimu Mtwara, mwishoni mwa wiki. Kutoka kushoto ni; Mhariri Mtendaji wa gazeti la Jamhuri, Deodatus Balile, Mtangazaji wa Televisheni ya ITV Mara, George Marato, Mtangazaji wa ITV, Dar es Salaam, Godfrey Monyo

IBRAHIMU MAOKOLA AJIFUA KWA AJILI YA MPAMBANO WAKE MARCH 2

Bondia Ibrahimu Maokola akifanya mazoezi ya kupiga panch bag wakati wa kujiandaa na mpambano wake na Rajabu Majeshi utakaofanyika katika ukumbi wa DDC Magomeni Kondoa March 2  Mpambano huo utakua wa utangulizi kabla ya mpambano wa Maneno Osward na Japhert Kaseba,Picha na www.superdboxingcoach.blogspot.com

MAPACHA WATATU KUTOA ALBAM YAO MPYA MARCH 2

Na Super D

BENDI ya Mapacha watatu ipo mbioni kuzindua albam yake ya pili itakayokwenda kwa jina la yarabi nafsi baada ya ile ya kwanza iliyokwenda kwa jina la jasho la mtu

Akizungumza na waandishi wa habari kuhusu maandalizi ya uzinduzi huo meneja wa bendi hiyo Hamis Dacota amesema kuwa uzinduzi uhuo utafanyika katika ukumbi wa Businness Park Victoria March 2 na kusindikizwa na wasanii Linah Sanga, Khadija Kopa na bendi ya Mashujaa

Albam hiyo itakayokuwa na nyimbo nane kama Yarabi Nafsi, Usia wa babu, chanzo wanaume, naonewa, wajasilia mali, wivu na Sumu ya Mapenzi rimix

aliongeza kwa kusema kuwa wamechukua vipaji vipya vya muziki ambao wataonekana kwa mara ya kwanza katika albam hiyo aliwataja wasanii waliowaongeza kuwa ni Catherine Fidelic ' Cindy' John Cene na Twaha Makopa ambao wamewapika na kuiva kwa kutoa burudani

Mbali na kuzindua albam hiyo watatoa CD moja ya bule mlangoni kwa kili mshabiki atakae kata tiketi kwa siku hiyo ya uzinduzi alisema Dacota

TALISS SWIM CLUB YAITAKA SERIKALI KUJENGA MABWAWA YA UMMA YA KUOGELEA

Rais wa TALISS Swimming Club Bi. Najat Saleh Ahmed (mwenye miwani nyeusi) akizungumza na washiriki pamoja na wageni waalikwa wakati wa ufunguzi wa mashindano ya kuogelea yaliyoshirikisha Club mbalimbali na kwa rika tofauti yaliyodhaminiwa na Kampuni ya CFAO Motors wauzaji wa magari ya kisasa hapa nchini yaliyofanyika katika bwawa la kuogelea la shule ya Kimataifa ya Tanganyika (IST).

Amesema Mashindano hayo hufanyika kila mwaka na kushirikisha vilabu na watu binafsi wenye ujuzi wa kuogelea unaofikia kiwango cha kushiriki mashindano.

Aidha Bi. Najat Ahmed ameomba wadau zaidi kujitokeza kudhamini mashindano hayo na kuiomba Serikali ijitokeze na kujenga mabwawa yanayohitajika kwa ajili ya watu kujifunza kuogelea ili kuweza kujiokoa katika ajali za majini.

Pichani juu na chini washiriki wa club mbalimbali za kuogelea wakipita mbele wazazi na makocha kwa ajili ya utambulisho.

Official wakijipanga tayari kuanza mashindano hayo yaliyohusisha Clubs mbalimbali kutoka sehemu tofauti.

Pichani juu na chini ni washiriki wajitosa kwenye bwawa hilo kuchuana katika mashindano ya kuogelea yaliyoratibiwa na TALISS Swim Club na kudhaminiwa na kampuni ya CFAO Motors ya jijini Dar.

Picha juu na chini Sehemu ya watazamaji wakishuhudia mashindano hayo yaliyofanyika mwishoni mwa wiki jijini Dar es Salaam katika shule ya Kimataifa ya Tanganyika (IST).