AT 'ANAPENDA'

Na Elizabeth John

BAADA ya kutamba na ngoma yake ya ‘Kitumbua’, mkali wa muziki wa mduara nchini, Ally Ramadhan 'AT' anatarajia kuachia kazi mpya inayokwenda kwa jina la ‘Anapenda’.

Akizungumza jijini Dar es Salaam, nyota huyo alisema kazi hiyo anatarajia kuisambaza katika vituo mbalimbali vya radio baada ya kukamilika.

“Nashukuru Mungu kupata nafasi nyingine tena ya kurudi katika kazi yangu baada ya kimya kisichojulikana," alisema.

Msanii huyo ambaye anajulikana kama mfalume wa muziki huo kwa sasa alifanya vizuri na vibao mbalimbali kikiwemo Kifuu Tundu, Bao la Kate na nyinginezo ambazo zilimpa umaarufu mkubwa katika tasnia ya muziki huo.

Pia mkali huyo yuko katika hatua za mwisho kukamilisha video ya kazi yake inayoitwa ‘Kitumbua’, ambayo muda wote itaanza kuonekana kupitia kwenye runinga runinga na akiamini utapata nafasi kubwa ya kuwakonga mashabiki wa tasnia hiyo.

Hivyo, aliwaomba mashabiki kumuunga mkono katika kazi zake zijazo ili kuhakikisha anafikia malengo aliyojiwekea katika tasnia hiyo ya muziki wa kizazi kipya nchini hususan wa ‘Mduara’ ambao anaendelea kufanya vizuri na kutishia waliopo kwenye burudani hiyo.

'KIBUDU' CHA MSECHU CHAFANYA KWELI

Na Elizabeth John

MKALI wa muziki wa kizazi kipya nchini, Peter Msechu, ameachia kibao chake kipya kinachokwenda kwa jina la ‘Kibudu’ ambacho kimeanza kufanya vizuri katika vituo mbalimbali vya redio.

Mbali na kutamba na kibao hicho, mkali huyo alishawahi kutamba na kibao chake cha ‘Relax’, ‘Kumbe’ ambavyo vilifanya vizuri zaidi mbali na kuwa na vibao vingi ambavyo vilimtambulisha katika tasnia ya muziki huo.

Akizungumza jijini Dar es Salaam, Msechu alisema kazi hiyo imekamilika na tayari imeanza kufanya vizuri katik avituo mbalimbali vya redio.

Alisema kibao hicho kakitengeneza katika studio ya Ufundi Production chini ya mtayarishaji wake mahiri, Fundi Samuel.

“Naomba mashabiki wangu wakipokee vizuri kibao hicho ambacho natarajia kukifanyia video yake Nairobi, Kenya,” alisema.

Msechu aliwataka mashabiki wake wakae mkao wa kula kwa ajili ya video hiyo ambayo anatarajia kuitoa mwinzoni mwa mwezi ujao ikiwa ni pamoja na nyimbo nyingine nyingi zinazofuata.

BERRY BLACK AIBUKA NA 'ISHARA ZANGU'

Na Elizabeth John

BAADA ya kukaa kimya kwa muda mrefu, msanii wa muziki wa kizazi kipya nchini, Berry Black ameibuka upya na anatarajia kuachia ngoma yake mpya inayokwenda kwa jina la ‘Ishara zangu’ hivi karibuni.

Berry Black alishawahi kutamba na ngoma yake ya ‘Naomba nisamee’ ambayo ilifanya vizuri miaka ya nyuma na kulitangaza vema jina lake katika tasnia ya muziki huo.

Akizungumza jijini Dar es Salaam, Berry Black alisema katika ngoma hiyo kamshirikisha nyota wa muziki huo, Alikiba.

“Naomba mashabiki wangu wakae mkao wa kula kwaajili ya kuipokea ngoma hiyo ambayo naamini itafanya vizuri kutokana na uwepo wa mkali huyo pamoja na kusimama kwa mashairi ya kazi hiyo,” alisema.

Berry Black alisema anaomba mashabiki wa kazi zake wakae mkao wa kula kwaajili ya kazi hiyo ambayo anatarajia kuitoa pamoja na video yake akiwa na lengo la kuwapa burudani iliyokamilika wapenzi wake.

DOGO JANJA AJIPANGA 'KUSEREBUKA'

Na Elizabeth John

KINDA anayetamba katika tasnia ya muziki wa kizazi kipya nchini, Abdulaziz Chende ‘Dogo Janja’ anatarajiwa kuachia ngoma yake mpya inayokwenda kwa jina la ‘Serebuka’ hivi karibuni.

Akizungumza jijini Dar es Salaam, Dogo Janja alisema ngoma hiyo ameshaikamilisha na anatarajia kuanza kuisambaza katika vituo mbalimbali wiki ijayo.

Alisema yuko katika hatua za mwisho za uandaaji wa kibao hicho ambacho anaamini kitakonga nyoyo za mashabiki wa muziki huo ndani na nje ya nchi kutokana na ubora wa mashairi yaliyopo ndani yake.

“Namshukuru Mungu kazi zangu huwa zinapokewa vizuri na mashabiki wangu, kitu ambacho kinanipa moyo wa kuendelea kufanya vizuri katika ‘game’, hivyo nawaomba mashabiki wa kazi zangu waendelee kusubiri vitu vizuri kutoka kwangu,” alisema Dogo Janja.

Mbali na kibao hicho, Dogo Janja kwasasa anatamba na kibao chake cha ‘Maisha ya Skonga’ ambacho ameshirikiana vema na mwaamuziki kutoka kundi la Watanashati, PNC na kwamba ameamua kushirikiana naye kutokana na uwezo wake katika tasnia ya muziki, ikiwa ni pamoja na historia yake nzuri ya kuutangaza muziki wa Bongo.

LINDI SOCCER ACADEMY WAVULIWA UBINGWA COPA COCA COLA MANISPAA YA LINDI

Kikosi cha Lindi Soccer Academy (LSA) kilichoshiriki michuano ya Copa Coca Cola 2013. Wa kwanza kushoto waliosimama, ni Ofisa Habari wa LSA, Salum Mkandemba, ambaye pia ni Mhariri wa Habari Mseto Blog. Aliyesimama kulia ni Mkurugenzi wa LSA, Hafidh Karongo na wa kwanza kulia aliyekaa ni Meneja wa Double M Hotel ya mjini Lindi ambako LSA huweka kambi za mazoezi.

LINDI, Tanzania

Licha ya kuvuliwa ubinwa, LSA imeendelea kutawala kikosi cha Copa Coca Cola Kombaini Manispaa ya Lindi, baada ya kutoa jumla ya vijana 16 katika kombaini hiyo inayotarajiwa kuingia kambini kesho Jumatatu kujindaa na michuano ya Copa Coca Cola mkoa wa Lindi itakayofanyika baada ya mfungo wa Ramadhani

TIMU ya Lindi Soccer Academy (LSA), jana imevuliwa ubingwa wa michuano ya Fifa Copa Coca Cola Manispaa ya Lindi, baada ya kuchapwa mabao 2-0 na Cariacops, katika fainali ya michuano hiyo iliyokuwa ikifanyika kwenye Uwanja wa Ilulu, mjini Lindi.

Kwa mujibu wa taarifa kutoka kwa Mkurugenzi wa LSA, Hafidh Karongo, Cariacops katika mechi hiyo iliibuka kidedea ikibebwa na mabao ya mapema ya wakali wake George Muta aliyefunga katika dakika ya nane na James Masheyo dakika ya 30.

Licha ya mabadiliko kadhaa katika jitihada za kujinasua, LSA ilimaliza pambano hilo kwa kipigo hicho, kilichohitimisha kipindi chao cha ubingwa waliotwaa mwaka jana, ingawa imeendelea kutawala kikosi cha Copa Coca Cola Kombaini, Manispaa ya Lindi.

Karongo aliiambia Tanzania Daima kwa simu kuwa, LSA imetoa jumla ya vijana 16 katika Kombaini ya Manispaa ya Lindi, inayotarajiwa kuingia kambini leo kujindaa na michuano ya Copa Coca Cola mkoa wa Lindi itakayofanyika baada ya Ramadhani.

Aliwataja chipukizi walioteuliwa kuunda Kombaini hiyo kuwa ni; Harid Selemani, Shaffih Maulid, Ramadhani Amri, Hassan Mkomba, Hassani Alubuni, Joseph Keneth, Mohammed Omari, Hamis Mahmoud, Midraji Haji na Ramadhani Bakari.

Wachezaji wengine wa LSA ni pamoja na; Rajabu Msela, Abdul Shein, Hamdani Sarahani, Hassan Pendeka, Banzalam Hamisi na Yassin Abdallah ‘Iniesta.’ Timu nane zilishiriki Copa Coca Cola Manispaa ya Lindi na kugawanywa katika makundi mawili.

Kikwete; Umepokea Malalamiko ya Chadema!

Na Bryceson Mathias

HIVI karibuni Chama cha Demokrasia na Maendeleo (CHADEMA) kilidai kamwe hakitakabidhi ushahidi kwa Jeshi la Polisi nchini kuhusu Askari aliyehusika na Bomu la Arusha hadi Rais Jakaya Kikwete atakapounda tume ya kijaji.

Watanzania nikiwepo mimi wamekuwa na uchu wakisubiri kutaka kujua kauli ya Rais Kikwete iwapo ni kweli amepokea Malalamiko ya Chadema! Na je, kukaa kimya ameyakubali au laa?.

Hamu na Uchu wa watanzania kutaka kujua mustakabali wa jambo hilo, ni kutokana na kwamba, tukio hilo liliua watu watu wane na wengine zaidi ya sitini kujeruhiwa, lakini pili ni kutokana na msimamo wa Chadema kutotaka kutoa ushahidi polisi hadi Kikwete aunde tue ya Kijaji.

Takribani mara mbili sasa, Mwenyekiti wa chadema, Freeman Mbowe, baada ya kuhojiwa makao makuu ya polisi, akizungumza na wandishi wa habari Dar es salaam, amerudia kauli yake akisema,

 “Msimamo wa chama chetu, ni kwamba hatutatoa ushahidi polisi hadi Rais Kikwete atakapounda tume ya kijaji, na hii ndo kauli kubwa niliyowaambia polisi nilipohojiwa.

“Nimewaaleza tukiwa kama chama tulishamwandikia barua Rais Kikwete ya kuunda tume ya kijaji ya kimahakama na yeye bado hajajibu kama amekubali au laa.

“Sisi tutaendelea kusubiri kauli ya Rais Kikwete kama ataunda tume leo hata kesho, tupo tayari kupeleka ushahidi tulionao,”alisisiza Mbowe.

Alisema baada ya kauli hiyo, maofisa wa polisi wakita CHADEMA kupeleka ushahidi wao kwa maandishi.

“Polisi wametuomba, tuweke uamuzi wetu kwenye maandishi na tuyawasilishe siku ya Ijumaa, wakili wangu Peter Kibatala ameahidi kufanya hivyo,”alisema Mbowe.

Alisema mambo mengi aliyojadiliana na polisi, ni ya kisheria zaidi, hiyo wakili Kibatala atayaweka kwenye mtiririko na kuyawasilisha.

Julai 15, mwaka huu Mbowe alijisalimisha polisi saa 8.00 mchana na kuhojiwa na kikosi maalumu cha makachero wa jeshi hilo.

Hatua ya Mbowe kujisalimisha, ilitokana na taarifa kuwa polisi ilivamia nyumbani kwake saa 6.00 usiku Julai 14, mwaka huu kwa lengo la kumkamata.

Vyanzo vya kuaminika kutoka makao makuu ya polisi, vilivyotaka visitajwe vilisema Mbowe alihojiwa kwa tuhuma mbalimbali zikiwamo za uchochezi aliodaiwa kufanya kwa kuwa katika hotuba zake anajenga chuki kati ya wananchi na polisi.

Tuhuma nyingine, ni kauli aliyowahi kuitoa kuwa polisi inahusika katika tukio la mlipuko wa bomu uliotokea Juni 15, mwaka huu CHADEMA walipohitimisha mkutano wa kampeni za uchaguzi mdogo viwanja vya Soweto Arusha.

Katika tukio hilo, Mbowe alidai Chadema kina ushahidi wa kutosha kuwa polisi wanahusika na tukio hilo kutokana na kuwa na mkanda wa video unaoonyesha tukio zima.

Tuhuma nyingine, ni ile ya kwamba kitendo cha Rais Jakaya Kikwete kutohudhuria mazishi ya watu waliofariki dunia katika mlipuko huo, kilihusishwa moja kwa moja kuwa ni ishara ya jeshi hilo kuhusika katika mauaji hayo.

Mbali na Kauli ya Mbowe kuwa na Ushahidi wa tukio hilo, Naibu Katibu Mkuu wa Chama cha Mapinduzi (CCM) Bara, Mwiguliu Mchemba na Katibu wa Halmashauri Kuu ya Taifa ya CCM, Itikadi na Uenezi, Nape Nnauye, walidai wana ushahidi Chadema walijilipua.   

Ni rai yetu ili kuwafuta machozi watanzania, Rais aunde tume hiyo tumjue ni nani Mbaya wa vifo vya ndugu, Jamaa na Nguvu kazi ya Taifa letu.

nyeregete@yahoo.co.uk  0715933308

WAZIRI WASIRA AKAGUA MIRADI YA MAENDELEO-MAGU

Mwanafunzi wa Shule ya Msingi Magu, Aileen Geofrey akimwonyesha kwa kuandika ubaoni, Waziri wa Nchi Ofisi ya Rais Mahusiano na Uratibu Stephen Wasira kwamba anajua kusoma na kuandika, baada ya Waziri Wasira kumuuliza kama anajua mambo hayo. Kushoto ni Mkuu wa Wilaya ya Magu, Jacqueline Liana    Waziri Wasira alikuwa wilayani Magu, mkoani Mwanza juzi (24.7.2013) kwa ziara ya siku moja kukagua miradi ya maendeleo.

Mwenyekiti wa kikundi cha wanawake wajasiriamali cha Tujikomboe wilayani Magu, Maria Mwita akimweleza Waziri wa Nchi Ofisi ya Rais Mahusiano na Uratibu Stephen Wasira,shughuli mbalimbali zinazofanywa na kikundi hicho, Waziri Wasira alikuwa katika ziara ya siku moja wilayani Magu, mkoani Mwanza 

 WAZIRI wa Nchi Ofisi ya Rais Mahusiano na Uratibu, Stephen Wasira,akimpongeza baada ya kumkabidhi hati ya kukamilisha mradi wa jamii Mwenyekiti wa Mtaa wa Ibidanja Ponsian Garimo,baada ya kukagua madarasa matano ya Shule ya Msingi Magu ambayo yalijengwa na TASAF kwa kushirikiana na wananchi. Waziri Wasira alikuwa wilayani Magu, mkoani Mwanza juzi (24.7.2013) kwa ziara ya siku moja kukagua miradi ya maendeleo

WACHEZAJI wa kikundi cha utamaduni cha Mwanalyaku Cultural Troupe cha wilayani Magu, mkoani Mwanza, wakitoa burudani wakati wa ziara ya Waziri wa Nchi Ofisi ya Rais Mahusiano na Uratibu, Stephen Wasira alipotembelea juzi (24.7.2013) kijiji cha Kitongosima kilichopo katika wilaya ya Magu, mkoani Mwanza, kukagua shughuli za maendeleo.

AISHA SURURU FONDITION YATOA MSAADA WA MAGODORO KWA WANAFUNZI WA MASJIDI IDRISA KARIAKOO

Wanafunzi wa shule mbalimbali za Sekondari jijini Dar es salaam ambao wameweka kambi ya kujisomea katika Msikiti wa Idrisa Kariakoo Dar es salaam wakiwa na Mkurugenzi Mtendaji wa Aisha Sururu Fonditio Aisha Sululu kulia baada ya kuwakabizi magodoro na Mashika kwa ajili ya kulalia wawapo katika masomo yao ya ziadi picha na Blog ya SUPER D

Mkurugenzi Mtendaji wa Aisha Sururu Fondition, Aisha Sururu kulia akimkabizi mmoja wa vijana wanaojisomea katika kambi ya msikiti wa Idrisa, Muhsin Juma magodoro aliyotoa kwa ajili ya vijana hawo kulalia  Picha na Blog ya SUPER D

Mkurugenzi Mtendaji wa Aisha Sururu Fondition, Aisha Sururu kulia akimkabizi mmoja wa vijana wanaojisomea katika kambi ya msikiti wa Idrisa, Muhsin Juma magodoro aliyotoa kwa ajili ya vijana hawo kulalia  Picha na Blog ya SUPER D

Mkurugenzi Mtendaji wa Aisha Sururu Fondition, Aisha Sururu kulia akimkabizi mmoja wa vijana wanaojisomea katika kambi ya msikiti wa Idrisa, Muhsin Juma mashuka pamoja na magodoro aliyotoa kwa ajili ya vijana hawo kulalia  Picha na Blog ya SUPER D

BONDIA MTANZANIA OMARI KIMWERI 'LION BOY' AMTWANGA MTHAILAND KWA KO YA RAUNDI YA KWANZA

Omari Kimweri

BONDIA Mtanzania Omari Kimweri  'Lion Boy 'anaefanya shughuli zake nchini   Australia amendelea kutamba katika nchi hiyo baada ya jana kumtwanga kwa  KO ya raundi ya kwanza bondia Ekkalak Saenchan wa Thailand   ikiwa ni mchezo wake wa 16 tangia angie katika ngumi za kulipwa akiwa nchini humo 

Bondia huyo ambaye anaitangaza vema nchi ya Tanzania Kimataifa ameaidi kuwa ataenderea kutoa vipigo kwa mabondia  mbalimbali  pindi wakutanapo ulingoni 

Bondia huyo aliezaliwa Tanzania katika jiji la Dar es salaam mwaka 1982 amekuwa gumzo nchini humo kwa kuonesha mchezo mzuri unaowavutia raia wengi wa Australia na kuweza kuwa bondia namba moja katika nchi hiyo uku katika Dunia akishikilia nafasi ya 52 katika mabondia 450 duniani wenye uzito wa light flyweight

Anasema lengo lake kubwa ni kuukamata ubingwa unaotambulika kimataifa Duniani wa WBA World light flyweight title unaoshikiliwa na bingwa namba moja Duniani ,Roman Gonzalez na IBF light flyweight title   unaoshikiliwa na  John Riel Casimero wa  Philippines ambao wananiumiza kichwa kwa sasa kwani ngumi ulimwengu mzima ni zile zile ila tunazidiana maarifa

Bondia huyo anaefanya shughuli zake za masumbwi nchini Australia ana mpango wa kuja kuwekeza nchini Tanzania mchezo wa masumbwi ili ukuwe hapa ambapo atafanya kila jitiadi ili mchezo wa masumbwi uweze kusonga mbele nchini habari hizi kwa ushirikiano mkubwa wa mtandao wa www.superdboxingcoach.blogspot.com

UCHAGUZI WA BFT KUFANYIKA MOROGORO SASA