Viongozi wa ndondi 'mwisho wa ubaya aibu'

Mwandishi wetu

KILA mwanadamu anapoamua kufanya kazi ya aina fulani lengo na

hitaji lake ni kuhakikisha anapata mafanikio yatakayomuwezesha

kuendesha maisha yake kama watu wengine.

Hivyo ili kufikia mafanikio hayo nidhamu, upendo, elimu na

kujitabua ni mambo ambayo yanahitajika kuhakikisha malengo

yanafikiwa kwa asilimia mia moja.

Kwa maana nidhamu ikizingatiwa kuanzia katika mazoezi hadi

kwenye ulingo hakika kila kitu kitakwenda sawa na hakika hiyo ndio

mwanzo wa kufanikiwa katika mchezo huo.

Ndio maana kwa mabondia walioanzia katika hatua za awali

'Amature' mara zote wanakuwa na nidhamu kubwa katika maisha yao

katika mchezo huo na kuwa mfano kwa wengine.

Kitendo cha kufanya vema katika nidhamu ndio inayofanya viongozi

wa mchezo huo kuhamasisha vijana wanaotaka kuingia katika

masumbwi kuanzia kwenye hatua hiyo.

Pindi bondia atakuwa na nidhamu ya kutosha itafanya kuhamasisha

upendo katika familia ya wanamasumbwi nchi na upo uwezekano

mabondia wakawa wamoja katika kufuatilia  mambo yao.

Katika kipindi cha hivi karibuni mchezo wa masumbwi unaonekana

kupoteza radha yake kutokana na kuonekana kuwa kuingiliwa na

baadhi ya wajanja ambao wanaonekana kutaka kuwagawa

wanamasumbwi.

Wajanja hao wamekuja na vyama vyao na kujipa majina ya kila aina

likiwemo la urais wa chombo husika huku wakionekana wazi

kutafuta maslahi yao zaidi kuliko wanamasumbwi ambao wamekuwa

wakiharibu akili zao kwa ajili ya mchezo huo huku mafanikio yakiwa

kiduchu.

Kibaya zaidi hakuna chombo makini cha kuangalia na kufuatilia haki

za wanamasumbwi, kingine wanamasumbwi wengi elimu na ufahamu

wa kudai haki yao imekuwa ni tatizo hali ambayo inasababisha

mabondia kugonganishwa vichwa na wanaojihita marais wa vyombo

hivyo.

karibuni  mwaka huu wakati nikiwa katika daladala nikitokea nyumbani

kwenda ofisini, kituo kimoja cha redio kilikuwa kikifanya mahojiano

na bondia Japhet Kaseba majiahano ambao yalionekana kurekodiwa

siku chache zilizopita.

Hakika Kaseba alisikika akizungumza kwa uchungu namna baadhi ya

mabondia wanavyotumiwa vibaya na baadhi ya viongozi huku

akisema wengi wamekuwa wakipandikizwa chuki dhidi ya mabondia

wengine.

Pia wako tayari kufanya hila ili kutengenezewa rekodi ya mapambano

pindi wanapopanda ulingo hali ambayo mwisho wa siku wanafanya

vibaya katika mapambano yao ya kimataifa na ndipo msemo wa

kiswahili unaosema mwisho wa ubaya ni aibu unapotimia.

Nikinukuu katika mazungumzo hayo, Kaseba anasema kuwa baadhi

ya mabondia wanatumika vibaya kwa kujazwa chuki na wakati

mwingine kwa kupanga matokeo kutokana na shida walizonazo.

Pia hata wale ambao haki zao zinaminywa wanashindwa kujitetea

kutokana na elimu yao kuwa ndogo ingawa hakuweza kutoa

suluhisho ya nini kifanyike ili kuondokana na changamoto hiyo.

Kwa akili ya haraka ni dhahiri kuwa kinachotakiwa ni kwamba kwa

sasa ni kila bondia kutambua ameingia katika mchezo huo kwa ajili

gani hali ambayo itasaidia kupunguza changamoto kwa baadhi yao

kuwa mamluki wa viongozi wa baadhi ya vyama.

Pia itasaidia mabondia kuwa kitu kimoja katika kusaka mafanikio yao

kupitia mchezo huo unaonekana kuwa na changamoto lukuki hali

ambayo inaonekana kupoteza radha na mafanikio yaliyokuwa

yakipatikana miaka kadhaa iliyopita.

Kinachotakiwa kwa sasa ni mabondia kujitahidi kuwa kitu kimoja hali

ambayo itasaidia kuwa na nguvu moja ya kudai haki zao pindi

zinapopindishwa kwa maslahi ya wengine