MBIO ZA UONGOZI WTO ZASHIKA KASI, Mgombea wa Brazil atua nchini kufanya kampeni.

Mgombea wa nafasi ya Mkurugenzi Mtendaji wa Shirika la Biashara la Kimataifa (WTO) kutoka nchini Brazil Roberto Azevedo (katikati), akizungumza na waandishi wa habari jijini Dar es Salaam leo kuhusu malengo yakugombea nafasi hiyo ikiwa ni mwendelezo wa kampeni yake ambapo anatembelea nchi 13 za Afrika ikiwemo Tanzania, ambapo ameitaka Tanzania imuunge mkono kwa kumpigia kura. Mapema alikutana na Waziri wa Mambo ya Nnje na Ushirikiano wa Kimataifa Bernard Membe kuzungumzia malengo yake, kulia ni Balozi wa Brazil Francisco Luz na Balozi Fernand Abreu.

Mgombea wa nafasi ya Mkurugenzi Mtendaji wa Shirika la Biashara la Kimataifa (WTO) kutoka nchini Brazil Roberto Azevedo (katikati) akijadiliana jambo na Balozi wa Brazil Francisco Luz.

MGOMBEA wa nafasi ya Mkurugenzi Mtendaji wa Shirika la Biashara la Kimataifa (WTO) Roberto Azevedo kutoka nchini Brazil amekamilisha kampeniyake hapa nchini leo kwa kuitaka Tanzania imuunge Mkono kwenye kiti hicho kutokana na mipango yake kwa nchi zinazoendelea.

Akizungumza na waandishi wabari jijini Dar es Salaam leo Azevedo amesema anaitaka Tanzania imuunge mkono kwenye upigaji wa kura kwenye kinyang’anyiro hicho ambacho hadi sasa wagombea tisa kutoka nchi mbalimbali wamejitokeza..

Kaabla ya kukutana na waandishi wa habari mgombea huyo alikutana na Waziri wa Mambo ya Nnje na Ushirikiano wa Kimataifa Bernad Membe na kumueleza malengo na mikakati yake kwenye nafasi hiyo na kwanini Tanzania imuunge mkono.

Aidha Azevedo alisema tatizo la msingi kwa shirika hilo kwa sasa ni kutotoa hamasa kwa nchi mbalimbali juu ya mambo mbalimbali ya shirika hilo, lakini pia kutokuwepo kwa ushirikishwaji wan chi zinazoendelea wakati wa uanzishwaji wa shirika hilo mara baada ya vita ya pili ya dunia.

“Nitahakikisha mawazo ya nchi zinazoendelea yanafanyiwa kazi kwa manufaa ya shirika hilo na wanachamawake.”