Mhagama; ‘Mwenye uoga hajakamilika bado’

Na Bryceson Mathias

PALIPO na upendo hapana uoga; naam, upendo kamili hufukuza Uoga wote. Basi, mtu mwenye uoga hajakamilika bado katika upendo, kwani uoga huhusikana na adhabu. Yohana 4:18.

Kama kuna watu wanaoniudhi, basi ni wale ambao wanakumbatia dhambi na kuipaka mafuta ing’ae, ambapo hata wakitaka kutubu, hawaitaji dhambi ila wanasema wameteleza.

Dhambi haina mlalahoi wala mlalahai, dhambi ni dhambi hata iwe ndogo au kubwa bado inaitwa dhambi, na haiiitwi kuteleza, awe amefanya Rais au Mwananchi!, Mfalme au Mtumwa wake.

Hivi karibuni nilipate tabu moyoni, kuona Mwenyekiti wa Bunge na Mbunge wa Peramiho Jenister Mhagama akimkatisha Mbunge wa Iringa Mjini (Chadema) Mchungaji Peter Msigwa, kutokana na kutumia maneno makali wakati akichangia Hoja ya Mali Asili na Utalii.

Kosa la Msigwa kukatishwa na Mhagama katika mchango wake, lilitokana na awali kuanza kwa kuishambulia Ikulu ya Rais Kikwete ambayo ilitanguliwa na Ma-Rais wengine, akiwemo Ally Hassan Mwinyi (Ruksa), na Benjamini William Mkapa (Ukweli na Uwazi) dhidi ya Ujangili.

Msigwa alikuwa akikosoa baadhi ya Makosa yalisababisha kuzalishwa na kukuzwa kwa Mgogoro wa Loliondo, ambapo alimtuhumu Mwinyi kwamba aliuanzisha, Mkapa aliupalilia, na kudai Kikwete anaulea.

Kabla sijasema lolote, ni rai yangu nimuulize maswali kadhaa Mwenyekiti Mhagama; Tusemeje basi? Tuendelee kutenda dhambi ili neema izidi kuongezeka?  Hata kidogo! Itawezekanaje sisi tuliokufa kwa mambo ya dhambi, tuendelee tena kuishi humo? Rumi 6:1.

Hivi karibuni Rais Kikwete katika hotuba zake za kila mwezi, aliliambia Taifa hadharani kwamba, ‘Kuna misikiti mitatu mkoani Dar es Salaam, imethubutu na kudiriki kumsomea Itikafu ili Afe! Binafsi niliposikia nilishituka kama nimkatishe asiseme, lakini baadaye nililipenda tamko.

Nililipenda tamko la Rais kwa sababu hakuwa muoga kulisema alikuwa wazi iliwatu wajue, maana msema kweli ikiria, hata kama ni kibaya kwa wengine bila kificho mbele ya watu hawi,  mnafiki. Lakini wako wanafiki wanaosemea chini chini kwa kificho, hao ndio sio wazuri.

1Timotheo.5:8  “Lakini mtu ye yote asiyewatunza walio wake, yaani, wale wa nyumbani mwake hasa, ameikana Imani, tena ni mbaya kuliko mtu asiyeamini”

Nataka kusema hivi, Msigwa anawapenda sana Viongozi wa Kitaifa wa Tanzania pamoja na watu wao wanaowaongoza, ndiyo maana hataki kusema pembeni na kuwa na uoga kama walivyo wengine, badala yake wanasengenya na kusema ufichoni.

Mtu akisema kwamba anampenda Mungu, hali anamchukia ndugu yake, huyo ni mwongo. Maana mtu asiyempenda ndugu yake ambaye anamwona, hawezi kumpenda Mungu ambaye hamwoni?.

Ni rai yangu kwa Wenyeviti wa Bunge akiwemo Mhagama waelewe, Palipo na upendo hapana uoga; naam, upendo kamili hufukuza Uoga wote. Basi, mtu mwenye uoga hajakamilika bado katika upendo, kwani uoga huhusikana na adhabu.

Kwa uzoefu wa Jeshi muda mrefu, ninachofahamu mimi ni hiki, nidhamu ya Woga ni kitu kibaya kwa Askari aliyeko medani. Wabunge ni Askari wa Mstari wa Mbele kuwawakilisha wananchi katika haki na mustakabali wa maendeleo yao.

Aidha katika hili ndiyo maana Biblia ikasema katika katika kitabu cha Pili cha Timotheo1:7 kwamba;  “Maana Mungu hakutupa roho ya woga, bali ya nguvu na yaupendo na ya moyo wa kiasi!.

Hivyo nawapenda sana wabunge wote wa Ushindani na wa Chama Tawala wanaoikosoa Serikali, wanaipenda nchi.

nyeregete@yahoo.co.uk

0715-933308