MEMBE: NI MARUFUKU KUTUMIA PESA KUNUNUA MADARAKA YA UONGOZI

WAZIRI  wa Mambo ya Nje na Ushirikiano wa Kimataifa Bernard Membe

,amesema kuwa ni mwiko kwa mtu yeyote ndani ya chama kutumia fedha

kama nguzo ya ushindi wake kwa kuwa uongozi wa taifa hauwezi

kununuliwa na fedha.

Membe ambaye ni Mjumbe wa Halmashauri Kuu ya Chama cha Mapinduzi(NEC) Mbali na hilo pia amekitaka chama hicho kufika mahala kuchagua ni nani anayefaa kuwa kiongozi kwa kufanya midahalo ili kutambulika kwa wananchi na kuepuka chama kumegukameguka.

Kauli hiyo aliitoa jana alipokuwa akizungumza na waandishi wa habari

mara baada ya kutoka kuhojiwa na kamati ndogo ya maadili ya chama

hicho ambayo ilikaa tangu alhamis ya wiki iliyopita kwaajili ya

kuwahoji makada sita ambao wamejitangaza kuwania urais katika uchaguzi

mkuu wa mwaka 2015 kinyume na sheria na taratibu.

Membe alitinga katika viwanja vya Makao Makuu ya CCM majira ya saa

tatu asubuhi na kutoka saa 4:54 asubuhi.

Alisema kuwa haiwezekani kuwa na kiongozi anayenunua uongozi kwa njia

yeyote ile, iwe ya fedha au jambo lolote na hilo ndilo kamati ya

maadili inakemea na yeye anaungana nayo.

"Lakini waandishi habari lazima wawe objective, waandishi lazima

mmpime, , waandishi wa habari ndio mnaoweza kuamua direction iende

wapi, lazima muandike ya watu wote wanayozungumza bila kuchagua mambo

Fulani ya mtu Fulani,".

"Nawaambia waandishi chezeni mtaona, hatuwezi kuruhusu uongozi wa nchi

hii  au kiongozi wa juu anunuliwe kama biashara ya njugu dukani,

tukiacha hilo liendelee ninyi waandishi wa habari ni sehemu ya watu wa

kulaumiwa duniani,"alisema Membe

Alisema taifa la Tanzania litakuwa ni la ajabu kama watanzania

wataruhusu kufanya kufanya biashara ya uongozi wa kitaifa.

Hata hivyo alisema kuwa ni vyema sasa chama kikajipanga kuwa na

Mgombea ambaye wanachama wajue ni nani atakayepeperusha Bendera katika

uchaguzi wa Mwakani.

"Kwa mfano ili wananchi wajue tupokwenda mwaka 2015 candidate wa chama

ni nani, lazima tufike hapo tukiacha kila mwanachama aombe kila

binadamu anayeona anaavaa nguo ya kijani au ana hela aombe,

tutakiangusha chama chetu...Nadhani tunashauri chama kikajipange na

kiwe na candidates yaani kiwe na watu ambao  inabidi harakahara

wapitishwe ili CCM kinapofika desemba kwa mfano tuwe tunajua nani

anachukua bendera ya chama ili kisimegukemeguke,"alisema Membe

Aidha alisema kuwa alishauri kuwepo na muongozo rasmi unaotakiwa

kufuatwa na wanaccm kuanzia katika ngazi za matawi mpaka juu.

"Wakati wa uongozi utumie hatua zipo ili uzingatie nini ili usivunje

maadili, mashabiki nao wafanye nini ili wasikiuke maadili ili tuweze

kwenda pamoja kwa hiyo ni kamati ya maadili inayouliza maswali magumu

sana kwa watu wanaosemwa kwamba  wanaweza kuwa viongozi,"alisema Membe

Alisema kuwa kamati ya maadili inataka chama hicho mwakani kiende

katika uchaguzi kiwe imara na kuungana ili kuhakika wa ushindi na CCM

iendelee kupeta miaka 60 ijayo hakuna atakayeingia.

"Mimi ni miongoni mwa watu tulioitwa na kamati ya maadili, kamati

imefanya kazi nzuri, imedhamilia kumuita kila mtu anayetajwa kuwa

anaweza kuwa kiongozi,"alisema Waziri huyo.

Hata hivyo alisema kuwa kamati ya maadili imejipanga vizuru sana na

wasidanganyike.

"Wanauliza maswali magumu ama unayoyafanya wewe au wanayoyafanya

mashabiki lakini yote yanalenga chama chetu, kuimarisha ushindi 2015

na katika kuimarisha maadili,"alisema Waziri huyo

Hata hivyo alisema kuwa kumekuwepo na uzukaji ghafla wa

makundi makubwa ambayo yamezaliwa na kila watu wanadhani fulani

anafaa kuwa kiongozi.

"Tutafaanyaje nini ili chama kiwe na kundi moja litakalokwenda mwakani

kwenye ushindi na suala la fedha kama msingi wa ushindi, inatokeaje

watu wanatumia mamilioni mabilioni ya pesa katika kujinufaisha na

kujiandaa

kwenda kwenye uchaguzi,"aliema Membe

Aliitaka kamati ya maadili iendelee kuifanya  kazi hiyo na kudai kuwa

bado kuna wengine wataitwa lengo ni kuwa na chama imara ambacho

kitakwenda kwenye uchaguzi mwakani kwenda kuvishinda vyama vingine

vinavyojitokeza na vingine ambavyo vimeshaanza kufa.