Temeke yaifunga Lindi 4-0 michuano ya ARS.

Mshambuliaji wa timu ya Mbeya chini ya umri chini wa miaka 17 wa Mbeya Seleman Victor (kushoto) akimpiga chenga mlinzi wa Arusha Mathew Jackson wakati wa mechi ya ufunguzi wa michuano ya Airtel Rising Stars ngazi ya Taifa katika uwanja wa Kumbu Kumbu ya Karume jijini Dar es Salaam Jumatatu (Juni 11, 2012). Mbeya walishinda 2-1.

 

Timu ya soka ya wanawake wenye umri chini ya miaka 17, imeifunga

wenzao wa Lindi  4-0 kwenye muendelezo wa michuano ya Airtel Rising

Stars uliochezwa jana asubuhi, Jumanne Juni 12.

Magoli ya Temeke yaliwekwa kimiani na mshambuliaji hatari wa timu hiyo

 Fatuma Iddi kwenye dakika ya 13 na 19. Arafa Abdul waliwafungia Temeke

goli la tatu huku Niewel Halafan akimalizia kazi kwenye dakika ya 58.

Wakati huo huo, timu ya Mpira wa Miguu ya Mbeya iliifunga timu ya

Arusha mabao 2-1 katika pazia la kufungua mchezo wa fainali Ngazi ya

Taifa ya Vijana chini ya umri wa 17 yanayojulikana kama Airtel Raising

Stars uliofanyika Jumatatu, Juni 11 ya wiki hii kwenye Uwanja wa

Karume ,Dar es Salaam.Huku michuano hiyo ikiwa imetanguliwa na mechi

ya wasichana baina ya Mikoa hiyo miwili huku Mbeya wakisinda 3-2.

Timu ya Arusha ya wavulana walifungua mechi hiyo kwa kasi lakini nguvu

zao hazikuweza kuzaa matunda kabla ya vijana wa Mbeya kufunga goli

dakika ya tisa kupitia mchezaji wake Mussa Msape.Goli hilo  la timu ya

Arusha liliwafanya wachezaji hao kufikiria kutimiza   ndoto zao kuwa

za kweli ambapo  dakika ya 24 mchezaji Shabaaan Jabir wa Arusha

aliwatoka walinda mlango wa Mbeya na kupachika goli hilo.