Shafii Dauda 'abaniwa' TFF, 40 wapitishwa kugombea

Shafii Dauda aliyeenguliwa kwenye kinyang'anyiro cha uchaguzi wa TFF

 Na Boniface Wambura

Kamati ya Uchaguzi imepitisha majina ya waombaji 40 kati ya 58 kwa ajili ya uchaguzi wa Shirikisho la Mpira wa Miguu Tanzania (TFF) na Bodi ya Ligi Tanzania (TPL Board) utakaofanyika mwezi ujao.

Waliopitishwa katika orodha hiyo ya awali kwa upande wa Bodi ya Ligi ni Hamad Yahya Juma (Mwenyekiti) na Said Muhammad Said Abeid (Makamu Mwenyekiti).

Kwa upande wa Kamati ya Uendeshaji (Management Committee) ni Kazimoto Miraji Muzo na Omar Khatib Mwindadi. Walioondolewa kwa vile si wenyeviti wa klabu za daraja la kwanza kama kanuni zinavyotaka ni Michael Njuweni Kaijage, Salum Seif Rupia na Silas Masui Magunguma.

Kanda namba moja (Kagera na Geita) aliyepitishwa kuwania nafasi ya ujumbe Kamati ya Utendaji ya TFF ni Kaliro Samson wakati Abdallah Hussein Musa ameondolewa kwa kutojaza fomu ya uchaguzi kwa mujibu wa Kanuni za Uchaguzi.

Jumbe Oddessa Magati, Mugisha Galibona na Vedastus Lufano wamepitishwa kuwania ujumbe kupitia Kanda namba mbili (Mara na Mwanza). Samwel Nyalla ameondolewa kwa kutojaza kikamilifu fomu namba 1 ya maombi ya kugombea uongozi wa TFF kwa kutoonesha malengo yake.

Waliopitishwa katika Kanda namba tatu (Shinyanga na Simiyu) ni Epaphra Swain a Mbasha Matutu wakati Stanslaus Nyongo ameondolewa kwa kukosa sifa ya uongozi wa angalau uzoefu wa miaka mitano kwa mujibu wa Kanuni za Uchaguzi na Katiba ya TFF.

Kanda namba nne (Arusha na Manyara) wamepitishwa wote watatu; ambao ni Ali Mtumwa, Elley Simon Mbise na Omar Walii Ali. Kanda namba tano (Tabora na Kigoma) nao wamepitishwa wote; Ahmed Idd Mgoyi na Yusuf Hamis Kitumbo.

Blassy Kiondo amepitishwa peke yake kuwania ujumbe Kanda namba sita (Katavi na Rukwa) huku Ayoub Nyaulingo aliondolewa kwa kutokuwa na uzoefu uliothibitika wa miaka mitano katika uongozi wa mpira wa miguu.

Naye Nazarius Kilungeja, Kamati ilikataa maombi yake ya kugombea ujumbe kutokana na vitendo vyake visivyo vya kimichezo ambavyo kwa kiasi kikubwa vilisababisha migogoro kwenye Mkoa wa Rukwa, hivyo suala lake litawasilishwa kwa Kamati ya Maadili kwa ajili ya hatua zaidi.

Kanda namba saba (Iringa na Mbeya) waliopitishwa ni David Samson Lugenge, John Exavery Kiteve na Lusekelo Elias Mwanjala. Cyprian Kuyava hakupitishwa kwa vile hana uzoefu wa uongozi kwa mujibu wa Katiba ya TFF huku Ayoub Shaib Nyenzi akiondolewa kwa kushindwa kuthibitisha uraia wake.

Elliud Peter Mvella ameondolewa kwa kushindwa kuheshimu Kanuni za Uwajibikaji wa Pamoja (collective responsibility) baada ya kushiriki kufanya uamuzi ndani ya Kamati ya Utendaji ya TFF bila ya kutaka msimamo wake wa kupinga uwekwe kwenye muhtasari na baadaye kuupinga uamuzi huo akiwa kwenye uongozi wa mkoa. Suala lake limewasilishwa katika Kamati ya Maadili kwa ajili ya hatua zaidi.

Waliopitishwa kuwania ujumbe kupitia Kanda namba nane (Njombe na Ruvuma) ni James Patrick Mhagama na Stanley William Lugenge wakati Kamanga Tambwe ameondolewa kwa vile alipatikana na hatia ya kushiriki kwenye tuhumu za rushwa kwa waamuzi na kufungiwa na TFF.

Kanda namba tisa (Lindi na Mtwara) waombaji wote watatu wameptishwa. Waombaji hao ni Athuman Kingome Kambi, Francis Kumba Ndulane na Zafarani Mzee Damoder. Pia waombaji wote wa Kanda namba kumi (Dodoma na Singida), Hussein Zuberi Mwamba, Stewart Ernest Masima na Charles Komba wamepitishwa.

Waombaji wanne kati ya watano wamepitishwa kwa Kanda namba 11 (Morogoro na Pwani). Waliopitishwa ni Farid Mbarak, Geofrey Nyange, Juma Abbas Pinto na Twahil Twaha Njoki.

Riziki Juma Majala ameondolewa kwa vile akiwa mtendaji mkuu wa Chama cha Mpira wa Miguu Mkoa wa Pwani (COREFA) alishindwa kusimamia Kanuni za Ligi kwa kuruhusu timu ambayo si mwanachama wa wanachama wa COREFA kucheza ligi, hivyo kusababisha mgogoro mkubwa kiasi cha mwananchi mmoja kufungua kesi ya kusimamisha Ligi ya Mabingwa wa Mikoa (RCL). Suala lake litawasilishwa Kamati ya Maadili kwa ajili ya hatua zaidi.

Kanda namba 12 (Kilimanjaro na Tanga) wamepitishwa waombaji wote wawili. Waombaji hao ni Davis Elisa Mosha na Khalid Abdallah Mohamed.  Waombaji wawili kati ya watano wamepitishwa kuwania ujumbe kupitia Kanda namba 13 (Dar es Salaam).

Wagombea wawili kati ya watano wamepitishwa kuwania ujumbe kupitia Kanda namba 13 (Dar es Salaam).  Wagombea hao ni Alex Crispine Kamuzelya na Muhsin Said Balhabou.

Walioondolewa ni Omar Isaack Abdulkadir kutokana na vitendo vyake vya kutoheshimu na kutotekeleza maagizo ya TFF kwa mujibu wa Kanuni za Uchaguzi na Katiba ya TFF. Atapelekwa katika Kamati ya Maadili kwa hatua zaidi.

Shaffii Kajuna Dauda ameondolewa kwa kutumia nyaraka ya mawasiliano baina ya FIFA na Rais wa TFF bila idhini na kuiweka hadharani kwenye ukurasa wake wa mtandao wa kijamii, hivyo kukiuka maadili kwa kumiliki nyaraka ambazo hazikuwa kwenye mamlaka yake. Suala lake linapelekwa katika Kamati ya Maadili.

Naye Wilfred Kidao ameondolewa kwa kutumia nyaraka za Kamati ya Utendaji ya TFF bila ridhaa ya kamati, hivyo kukosa uadilifu. Suala lake linawasilishwa kwenye Kamati ya Maadili kwa hatua zaidi.

Kwa upande wa nafasi ya Makamu wa Rais, waombaji wote watatu wamepitishwa. Waombaji hao ni Imani Omari Madega, Ramadhan Omari Nassib na Wallace John Karia.

Athuman Jumanne Nyamlani na Jamal Emil Malinzi wamepitishwa kuwania nafasi ya Rais. Omari Mussa Nkwaruro ameondolewa kwa kuwasilisha cheti chenye utata, hivyo kukiuka utashi wa Ibara ya 27(7) ya Katiba ya TFF. Pia aliwasilisha taarifa za uongo kuhusu uzoefu na kukiuka Kanuni za Maadili, hivyo suala lake linapelekwa Kamati ya Maadili.

Naye Richard Julius Rukambula ameondolewa kwa hakukidhi matakwa ya kugombea uongozi kwa mujibu wa Ibara ya 12(2)(e) ya Katiba ya TFF inayokataza masuala ya mpira wa miguu kupelekwa katika mahakama za kawaida. Hivyo naye anapelekwa katika Kamati ya Maadili kwa hatua stahiki.

NHIF YAZINDUA HUDUMA ZA BIMA YA AFYA YA JAMII (CHF)MJINI KILWA 1

Adoh Mapunda Mkurugenzi wa Wilaya ya Kilwa akipokea vifaa maalum vya kuhifadhia fedha na nyaraka mbalimbali kutoka kwa Balozi Ali Mchumo Mwenyekiti wa Bodi ya Wakurugenzi ya Mfuko wa Taifa wa Bima ya Afya (NHIF) wakati wa uzinduzi wa Huduma za Bimaya Afya (CHF)katika halmashauri hiyo uliofanyika jana kwenye viwanja vya Mkapa Garden Mjini Kilwa, wa pili kulia anayeshuhudia tukio hilo ni Kaimu Mkurugenzi wa (NHIF) Khamis Mdee na kutoka kulia ni Mkurugenzi wa Mfuko wa Afya ya Jamii (CHF), Athuman Rehani na Fortunata Raymond Msimamizi wa NHIF mkoani Lindi.wananchi mbalimbali wakiwemo wazee walijitokeza katika zoezi la upimaji wa afya yakiwemo magonjwa ya Kisukari, Shinikizo la Damu ikiwani pamoja na kupima Uzito Urefu.  Ado Mapunda Mkurugenzi wa Wilaya ya Kilwa akikata utepe kuashiria uzinduzi rasmi wa huduma za Bima ya Afya katika Halmashauri ya wilaya ya Kilwa jana kulia ni Bw. Khamis Mdee Kaimu Mkurugenzi NHIF na kushoto ni Dr. Hilda Mwakipesile kutoka NHIF Baadhi ya wazee wakisubiri kupata huduma ya upimaji wa afya zao katika viwanja vya Mkapa Garden mjini Kilwa jana Mwenyekiti wa Bodi ya wakurugenzi ya Mfuko wa taifa wa Bima ya Afya NHIF Balozi Ali Mchumo akipata huduma ya vipimo kutoka kwa mmoja wa madaktari wa NHIF jana anayeshuhudia ni mama Fatma Said Ali Mke wa Balozi Ali Mchumo

KALAMA NYILAWILA AJIFUA KUMTAFUTA THOMAS MASHARI

Bondia Kalama Nyilawila akijifua kujimalisha kusubili mpambano wake yeyer na Thomasi Mashari baada ya kumdhiaki yeye pamoja na Bondia mada Maugo aliyepigwa hivi karibuni kwa kuwaita midori yake Picha na www.superdboxingcoach.blogspot.com

Bondia Kalama Nyilawila akijifua kujimalisha kusubili mpambano wake yeyer na Thomasi Mashari baada ya kumdhiaki yeye pamoja na Bondia mada Maugo aliyepigwa hivi karibuni kwa kuwaita midori yake Picha na www.superdboxingcoach.blogspot.com

Bondia Kalama Nyilawila kushoto akioneshana umwamba wa kutupiana makonde na Shadrack Ignas wakati wa mazoezi yanayoendelea katika klabu yao iliyopo sinza makaburini Dar es salaam Kalama anafanya mazoezi kwa ajili ya kumtafuta bondia Thomasi Mashali baada ya kumdhiaki kwa kumuita yeye na mwenzie Mada Maugo kuwa ni Midori yake ambapo maugo amepigwa na bondia huyo hivi karibuni Picha na www.superdboxingcoach.blogspot.com

FILAMU YA SELO YAMBEBA CLOUD

Na Mwandishi Wetu

MSANII wa filamu hapa nchini Issa Mussa Cloud 112 ameingiza sokoni filamu yaku mpya ya Sello ambayo ni mwendelezo wa filamu zake kali kama vile penzi la giza na fungate ambazo amecheza kwa ubora wa ali ya juu akizungumza na safu hii

Cloud amesema mimi nadhani ni namba moja kwa ubora hapa nchini unajua filamu zangu zinaelimisha zina burudisha na zinafundisha jamii kitu gani kinacho enderea katika maisha haya

unajua mimi nimechukua tuzo ya filamu bora ya mwaka 2012 ambazo zimeandaliwa kwa mara ya kwanza na Steps Entatainment hivyo mimi nipo juu bado na ninaitaji kuwa juu zaidi kupitia filamu zaidi na zaidi 

Unajua filamu sio kitu cha mchezo ata hivyo mimi nafanya kazi vizuri zaidi ya yote na ninapita kila idara ikiwemo filamu za kuhamasisha watu wapate kumkumbuka mora wao kila wakati na ikumbukwe kuwa Dunia tuna pita

Shabiby yaidhamini habari Group

MBUNGE wa jimbo la Gairo, Ahmed Shabiby ambaye ni mmiliki wa kampuni
ya mabasi, Shabiby Line Bus Services, ametoa udhamini kwa kikundi cha
Waandishi wa Habari Wajasiriamali (Habari Group), watakaotembelea
bunge mjini Dodoma wiki hii.

Habari Group wamepata mwaliko wa kutembelea Bunge, kutoka kwa Naibu
Waziri wa Katiba na Sheria, Angellah Kairuki.

Angellah pia ni mlezi wa kikundi hicho, ambapo pamoja na mambo
mengine, Habari Group watakuwa na mkutano na mlezi huyo  na wadau
mbalimbali wakiwemo wabunge kwa ajili ya kusaidia maendeleo ya
kikundi.

Akizungumzia udhamini huo, Shabiby alisema ameguswa na malengo ya
kikundi hicho, na kuamua kukisaidia kama mchango wake kwa maendeleo ya
taifa.

Alisema, kwa kuwa kampuni yake ni ya kizalendo, kusaidia makundi kama
Habari Group ni moja ya majukumu ya Shabiby Line.

Mwenyekiti wa Habari Group, Mwanamkasi Jumbe, alishukuru kwa udhamini

huo, ambao unahusisha usafiri na kwamba inawapa moyo kuona viongozi na
wafanyabiashara mbalimbali kuunga mkono juhudi za wasichana, hasa
wenye malengo ya kujikomboa.

Alisema waandishi wa habari wengi wamekuwa hawana malengo, na mwisho
wa siku kuishia pabaya, lakini wameamua kujikusanya na kuweka akiba
zao kwa manufaa ya baadaye.

Alimsifu Angellah, ambaye amekuwa akijitolea kwa kiasi kikubwa
kuhakikisha kikundi hicho kinasonga mbele, na kuomba wadau mbalimbali
kujitokea na kusaidia makundi kama hayo

FILAMU ZA MWISHO WA SIKU NA PUMBA ZAINGIA SOKONI KWA KISHINDO

Na Mwandishi Wetu

FILAMU za Mwisho wa Siku na Pumba zimenderea kutamba mtaani kutokana na ubora wake na mafundisho yaliyokuwemo katika filamu hizo ukizungumzia Pumba ambayo muhusika wake mkuu ni Haji Salumu 'Mboto' akishilikiana na wasanii wenzie Zubery Mohame na Aunt Ezekiel

Filamu hiyo inayozungumzia maisha ya wanandoa wawili ambao wanapenana na mmoja wao ambaye ni mwanamke anakuwa na mapenzi ya kirafiki ya kawaida tu na kufanya kuwa karibu na mwanamke huyo ambaye ni mke wa mtu

Ata hivyo mumewake anapokuja kugundua kwamba yupo na mtu mwingine kimapenzi anamua kumtimua na kuenderea kunywa pombe ili apunguze mawazo ya kumuwaza mke wake ata hivyo inakuja kugundulika awana mahusiano yoyote zaii ya urafiki wa kawaida

Katika filamu ya mwisho wa Siku iliyo washilikisha wasanii wakali akiwemo mwana dada maili katika filamu Lucy Komba imenderea kuwa gumzo mtaani kutokana na umairi wake na ubora wake wa ali ya juu

Filamu hizo zinazosambazwa na kampuni ya Steps Entatainmenti ya jijini Dar es salaam zimekuwa na mashabiki wengi

IBRAHIM KAMWE (BigRight) AJITOA T.P.B. O

Katibu mkuu wa Tanzania Professional Boxing Organisation (TPBO) Ibrahim Kamwe ambaye anajulikana kwa jina la bigright amejitoa  katika uongozi wa chama cha ngumi kama kiongozi.

Bigright ambae ukiondoa mambo ya kichama mara nyingi amekuwa akiwaongoza maofisa wa chama hicho katika shughuli mbalimbali na mapambano mengi kama jaji mkuu ,muhifadhi rekodi za mabondia na mshauri katika shughuli za kiufundi.

Akizungumza na vyanzo vya habari amesema ameamua kupumzika shughuli za TPBO na kurudi kwenye ufundishaji wa vijana na kuendelea na kampuni yake ndogo ya bigright promotion ambayo inajihusisha na utayarishaji wa matamasha na uandaaji wa mapambano ya ngumi. ‘ kwa kuwa naupenda mchezo wa ngumi  nimefanya shughuli hii kwa muda mrefu kukiwa   na utatautata wa hapa na pale   na yote hii kwa ajili ya kuuendeleza mchezo wa ngumi nchini lakini imekuwa ni ngumu kwangu kuendelea na wadhifa huo , nawashukuru maofisa wenzangu wamekuwa wakinipa ushirikiano wa karibu. Ila kwa sasa najitoa katika uongozi na nitajihusisha na ngumi kivingine ikiwemo kuwaendeleza vijana na kuandaa mapambano madogomadogo ya kukuza vipaji

MZEE MANDELA AREJEA NYUMBANI KWAKE PRETORIA KUTOKA HOSPITALINI KIMYA KIMYA.

RAIS wa zamani wa Afrika Kusini Mzee Nelson Mandela amerejea nyumbani kwake mjini Johannesburg kimya kimya baada ya kulazwa hospitali mjini Pretoria kwa muda mrefu.

Mandela mwenye umri wa miaka 95 alilazwa hospitali tangu Juni 8 mwaka huu baada ya kupata maambukizi katika map

afu.

Hali ya afya yake wiki iliyopita ilitajwa kuwa ‘mbaya lakini imara’ na haikutolewa taarifa tena kuhusiana na afya yake.

Maambukizi ya ugonjwa wake yanasemekana kuhusishwa na kipindi cha karibu miongo mitatu aliyokaa gerezani baada ya kufungwa kutokana na harakati zake za kupinga ubaguzi wa rangi nchini humo.

SUPER D ALIVYO MPOKEA Francois Botha 'White Buffalo' NA KUFANIKISHA MPAMBANI MKUBWA NCHINI TANZANIA

Kocha wa kimataifa wa mchezo wa masumbwi nchini Rajabu Mhamila 'Super D' kushoto  akiwa na Bondia bingwa wa Dunia wa Uzito wa Juu Zamani, Francois Botha 'White Buffalo' wakati wa mpambano wa kimataifa wa mchezo wa masumbwi

Kocha wa kimataifa wa mchezo wa masumbwi nchini Rajabu Mhamila 'Super D' kulia  akiwa na Bondia bingwa wa Dunia wa Uzito wa Juu Zamani, Francois Botha 'White Buffalo' wa pili kushoto

Kocha wa kimataifa wa mchezo wa masumbwi nchini Rajabu Mhamila 'Super D' kulia  akiwa na Bondia bingwa wa Dunia wa Uzito wa Juu Zamani, Francois Botha 'White Buffalo' wakati wa mpambano wa kimataifa wa mchezo wa masumbwi

Bondia Phil Williams wa marekani akiwa katika picha ya pamoja na wadau wa mchezo huo kushoto ni promota Jay Msangi kulia ni Kocha wa kimataifa wa mchezo wa ngumi Rajabu Mhamila 'Super D wengine ni wadau waliokuja kulaki uwanja wa ndege baada ya kutua  picha na www.superdboxingcoach.blogspot.com

Kocha wa mchezo wa masumbwi nchini Rajabu Mhamila 'Super D' kulia akiwa na bondia Phil Williams wa marekani baada ya kutua nchini kwa ajili ya mpambano wake na Francis Cheka uliofanyika August 30 siku ya ijumaa hii  katika ukumbi wa Diamon Jubilee jijini Dar es salaam Picha na www.superdboxingcoach.blogspot.com

Kocha wa kimataifa wa mchezo wa masumbwi nchini Rajabu Mhamila'Super D; kushoto akiwa amepozi na Shabani Mhamila 'Star Boy na Bondia bingwa wa Dunia wa Uzito wa Juu Zamani, Francois Botha 'White Buffalo'

Kocha wa kimataifa wa mchezo wa masumbwi nchini Rajabu Mhamila'Super D; kushoto akiwa amepozi na Shabani Mhamila 'Star Boy na Bondia bingwa wa Dunia wa Uzito wa Juu Zamani, Francois Botha 'White Buffalo'

ALICIA K DESIGNS YAANDAA USIKU WAJASIRIAMALI WANAWAKE

 Mbunge wa Tanzania katika Bunge la Afrika Mashariki (EALA), Shrose Bhanji akizungumza kwenye hafla ya chakula cha usiku iliyoandaliwa na Alicia K Designs kwa ajili ya kuwapa wanawake mbinu za ujasiriamali katika ukumbi wa Mezaluna jijini Arusha.

 Mbunge wa Tanzania katika Bunge la Afrika Mashariki (EALA), Shyrose Bhanji (wa pili kulia) akiwasha Mshumaa, ishara ya upendo wakati wa hafla ya chakula cha usiku iliyoandaliwa na Alicia K Designs. Kutoka kushoto ni Mkurugenzi wa taasisi hiyo, Alicia Matasia, Mwanamitindo ambaye ni mke wa Naibu Waziri wa Maliasili na Utalii,Faraja Kota Nyalandu na Mjasiriamali wa jijini Arusha, Isabela Mwampamba.

 Mbunge wa Tanzania katika Bunge la Afrika Mashariki (EALA), Shyrose Bhanji (wa pili kulia) na Mwanamitindo, Faraja Kota Nyalandu wakikata Keki wakati hafla ya Chakula cha jioni,iliyofanyika Mezaluna jijini Arusha.

 Mbunge wa Tanzania katika Bunge la Afrika Mashariki (EALA) Shyrose Bhanji (wa pili kulia) akimlisha Keki Mjasiriamali wa jijini Arusha, Isabela Mwampamba wakati wa hafla ya usiku iliyoandaliwa na Alicia K Designs, shoto ni Mkurugenzi wa taasisi hiyo,Alicia Matasia na Mwanamitindo, Faraja Kota Nyalandu

 Burudani ya nguvu ilikuwepo kuwafanya wasichana na wanawake waliohudhuria kuburudika vilivyo.

Mkurugenzi wa Alicia K Designs, Alicia Matasia akitoa neno la shukrani kwa wageni waliofika kwenye hafla hiyo.

GURUMO: MUZIKI WA KIZAZI KIPYA UNALIPA KULIKO DANSI

MWANAMUZIKI mkongwe wa bendi ya muziki wa dansi ya Msondo Ngoma, Muhidin Gurumo, ametangaza kustaafu kazi ya muziki, aliyoifanya kwa miaka 53.

Gurumo (73), alitangaza uamuzi huo Agosti 22, mwaka huu, alipozungumza na waandishi wa habari kwenye ukumbi wa Idara ya Habari (MAELEZO), mjini Dar es Salaam.

Mkongwe huyo wa muziki alisema ameamua kustaafu kutokana na umri wake mkubwa.
Licha ya kujihusisha na muziki katika sehemu kubwa ya maisha yake, Gurumo alisema hana mafanikio makubwa kimaisha, licha ya kujenga nyumba anayoishi na familia yake, iliyoko Ubungo Makuburi, Dar es Salaam.

Katika kipindi alichopiga muziki katika bendi za NUTA, JUWATA, OTTU na Mlimani Park, Gurumo anasema ametunga nyimbo  zaidi ya 200.

Alijiunga na NUTA 1964 akiwa mmoja wa waanzilishi kabla ya kuhamia Mlimani Park 1978 na Orchestra Safari Sound (OSS) kuanzia 1985 hadi 1990.

Gurumo ana kipaji cha kutunga nyimbo zenye ujumbe kuhusu masuala mbalimbali ya kijamii. Alikuwa gwiji katika uimbaji na jina la Gurumo halikuwa la utani kwa sababu ya kuimba kwa sauti nzito, bali ni jina lake halisi.

Aliposimama jukwaani kuimba katika bendi za Msondo Ngoma, OSS na Mlimani Park Orchestra, mashabiki waliburudika kutokana na sauti yake nzito, ambayo ilikolezwa na nyingine za Hassan Bitchuka, marehemu Moshi William, Thobias Chidumule, hayati Hamisi Juma na Maxi Bushoke.

Katika wimbo wa Kassim aliouimba akiwa Mlimani Park, Gurumo akishirikiana na Hamisi Juma (sasa marehemu), aliimba na kutoa picha halisi ya mlevi wa pombe aliyeanza kufilisika na kubana matumizi, wakati Hamisi aliimba kama mwanamke, aliyezoea kupewa ofa na Gurumo.

“Na mie moja Kassim,” anaimba Hamisi katika wimbo huo.

“Sina hela ya mchezo,” anajibu Gurumo.

Wimbo mwingine uliompa sifa Gurumo ni Celina aliouimba akiwa na Mlimani Park. Katika wimbo huo, Gurumo anasikika akiimba: ‘Na kwa sababu imekuwa hivyo Celina, sioni haja ya kutaka ujiue kwa ajili yangu”. Wimbo huo ulitungwa na marehemu Joseph Mulenga, aliyekuwa akipiga gitaa la solo.

Akiwa OSS, alipata umaarufu kupitia wimbo wa Chatu mkali. Katika wimbo huo, sauti yake nzito inasikika alipoimba: ‘Natoa onyo kwa yeyote anayemchezea chatu ni hatari, atakuwa asipate lolote la manufaa, na ajali imkute bila ya kutegemea, atakuja adhirika ajute na dunia.

Nyimbo zingine, ambazo zinakumbusha kazi ya Gurumo tangu alipojitosa kwenye fani ya muziki ni ‘Salima’, ‘Bwana Abdul’, ‘Dada Fatuma’, ‘Kulima Hadeka’ (umelima bondeni) na ‘Agweti Chole’ (Mwenzangu Twende) zilizoimbwa kwa lugha ya Kizaramo. Alitunga nyimbo hizo alipokuwa Kilwa Jazz.

Gurumo alizaliwa 1940 katika kijiji cha Masaki, Kisarawe mkoani Pwani. Alipata elimu ya msingi katika shule ya Sungwi na kumaliza darasa la saba 1956. Pia alipata mafunzo ya dini ya Kiislamu katika madrasa ya kijiji alichokuwa akiishi.

Baada ya kumaliza shule, aliamua kujiunga na bendi ya Kilimanjaro Chacha iliyokuwa na maskani Ilala, Dar es Salaam. Alifanya kazi na bendi hiyo hadi 1961 alipojiunga na Rufiji Jazz pia ya Dar es Salaam.

Alidumu na bendi hiyo hadi 1963 alipojiunga na Kilwa Jazz, iliyokuwa maarufu enzi hizo chini ya uongozi wa marehemu Ahmed Kipande. Bendi hiyo ilikuwa na makundi mawili, Kilwa A na B, Gurumo alikuwa kundi B.

Gurumo hakupendezwa na uamuzi wa marehemu Kipande kumuweka katika kundi B, wakati alijiona ana uwezo mkubwa wa kuimba kuliko baadhi ya wanamuziki waliokuwa wakiunda kundi A. Hali hiyo ilimfanya ajiunge na NUTA Jazz 1964.

Bendi hiyo ilikuwa ikiundwa na Jumuia ya Wafanyakazi Tanzania na baadaye ilibadili majina na kuitwa JUWATA na OTTU Jazz. Baada ya jumuia hiyo kujitoa katika kuendesha bendi, ilikabidhi vyombo kwa wanamuziki, ambao waliamua kuibadili jina na kuiita Msondo Ngoma.

Akiwa OTTU hadi Msondo Ngoma, alitunga nyimbo nyingi ukiwemo wa ‘Wosia kwa Watoto’.
Gurumo ndiye muasisi wa mitindo ya muziki ya Msondo, akiwa na NUTA, JUWATA na OTTU Jazz, Sikinde akiwa na Mlimani Park na Ndekule akiwa na OSS, ambayo ilizipatia umaarufu mkubwa bendi hizo.

Mitindo hiyo ya muziki ilitokana na majina ya baadhi ya ngoma za kabila la Wazaramo na huchezwa kama ilivyo ngoma ya Vanga.

Tofauti ni kwamba, wachezaji wa ngoma hizo huvaa mavazi ya asili, wakati wale wa muziki wa dansi huvaa mavazi ya kawaida.

Kabla ya uamuzi wa kustaafu muziki, Gurumo alishauriwa na daktari aliyekuwa akimtibu katika Hospitali ya Taifa ya Muhimbili (MNH), Dar es Salaam, kujiweka kando na masuala ya muziki baada ya kuugua ugonjwa wa moyo na kulazwa hospitali mara kadhaa.

Ugonjwa wa moyo hutokana na kupungua damu inayoingia kwenye mishipa ya moyo, ambao haukumpata Gurumo kwa sababu ya kuimba.

“Sijapatwa na ugonjwa huu kwa sababu ya kuimba kwa miaka mingi. Baada ya kupata tiba, madaktari walinishauri nipumzike kwa sababu ya umri kubwa mkubwa, siwezi tena kusimama jukwaani kwa muda mrefu na kuimba,” anasema. Alianza kusumbuliwa na maradhi mwaka 2011.

Gurumo ni mmoja wa wanahisa wa bendi ya Msondo. Wengine ni Saidi Mabela, Saidi Kibiriti (meneja), Ramadhani Zahoro, Abdul Ridhiwani, Roman Mng'ande na Huruka Uvuruge.
Wanamuziki hao wanamiliki kiwango sawa cha hisa na malipo yao kwa mwezi ni makubwa ikilinganishwa na waajiriwa.

Hata hivyo, Meneja wa Msondo Ngoma, Saidi Kibiriti, hakuwa tayari kutaja viwango vya malipo wanavyolipana.

Kwa Gurumo, muziki wa dansi, ambao wanamuziki hutumia ala mbalimbali, kama vile magitaa, tumba, ngoma, tarumbeta na vinanda katika kuupamba na kuufanya uwe na mvuto wa aina yake, utatoweka iwapo vituo vya redio na televisheni nchini vitaendelea kuacha kupiga nyimbo hizo.

"Ukifungua televisheni yoyote, kuanzia asubuhi hadi jioni, nyimbo zinazopigwa ni za bongo fleva tu. Huwezi kusikia nyimbo za muziki wa dansi. Hii maana yake ni kwamba, vyombo hivi vinaua muziki wetu makusudi," anasema.

Hata hivyo, Gurumo anasema wapo watunzi na waimbaji wengi wazuri wa nyimbo za muziki wa dansi na anavutiwa na Hassan Bitchuka wa Mlimani Park na Hussein Jumbe wa Talent Band.

Mkongwe huyo anasema muziki wa kizazi kipya, ambao hutengenezwa studio kwa kutumia kompyuta, na  kuimbwa katika miondoko mbalimbali kama vile, hip hop, R&B na Zouk, ukichezwa kwa kurukaruka na kujinyonganyonga mwili,  ni mzuri kwa wakati uliopo, hususan kwa vijana.

Hata hivyo, anasema hauwezi kudumu kwa vile wasanii wanatumia zaidi kompyuta kuutengeneza.
Gurumo anasema wasanii wa muziki huo wanapata mafanikio tofauti na zama zao, kwani hivi sasa sheria ya hatimiliki inawalinda.

Anasema muziki umemwezesha kujuana na kufahamiana na watu wengi, wakiwemo viongozi wa serikali. Anatoa mfano wa Rais Jakaya Kikwete, ambaye alikwenda kumjulia hali alipokuwa amelazwa Muhimbili.

Mke wa mwanamuziki huyo, Pili Kitwana, anasema mumewe ana jina kubwa kimuziki, lakini maisha yake ni ya kawaida. Pili na Gurumo walifunga ndoa mwaka 1967 na wana watoto wanne.

Mpiga gita la solo wa Msondo Ngoma, Mabela, anasema Gurumo ameshiriki kuimba nyimbo na pia kutunga zingine, zikiwemo Shaba imelia, Kilimo cha kufa na kupona, Ikiwa kama hunitaki,  Nimuokoe nani, Heko Mwalimu Nyerere na Baba nipeleke kwa mama.

Kwa mujibu wa Mabela, watunzi wa nyimbo nyingi za bendi hiyo walikuwa yeye, marehemu Joseph Lusungu, Khalfan Mabruki na Hassan Bitchuka.

Kwa upande wake, Bitchuka anasema Gurumo alikuwa kiongozi msikivu na alitoa ushauri kwa wanamuziki wenzake.

"Gurumo hakuwa mtu wa kuchezewa. Kama hujui muziki, hawezi kuwa rafiki yako na kama unaujua, atakuwa rafiki yako mkubwa," anasema.

Bitchuka anasema Gurumo alikuwa kiongozi jasiri, asiyeyumba, mwenye msimamo na alitunga nyimbo nyingi, hususan akiwa bendi za Mlimani Park na OSS.

Kiongozi wa bendi ya Extra Bongo, Ally Choki, anasema Gurumo ni mwanamuziki aliyekuwa makini katika kazi yake.

"Kwa mtu wa umri wake, isingekuwa rahisi kupanda jukwaani hadi sasa na kuimba. Ni wa kupigiwa mfano na vijana wanaochipukia kimuziki," anasema.

Anasema alihamasika kurekodi albamu na Gurumo kutokana na kuvutiwa na uwezo wake kimuziki.
Albamu hiyo ina nyimbo sita, tatu zimetungwa na Gurumo na tatu za Choki. Albamu hiyo inajulikana Choki/Gurumo remix.

Nyimbo za Gurumo zilizomo kwenye albamu hiyo ni Nipeleke kwa baba, Ikiwa kama hunitaki na Nimuokoea nani.

DIAMOND AMZAWADIA GARI GURUMO

HABARI/PICHA NA EVANCE NG'INGO
MSANII wa muziki wa kizazi kipya Nasib Abdul, Diamond  jana  alimkabidhi gari mwanamuziki mkongwe wa muziki wa dansi nchini aliyestaafu muziki hivi karibuni, Muhidin Gurumo.

Diamond alimkabidhi mzee huyo gari hilo wakati wa hafla ya kuzindua video ya wimbo wake mpya uitwao My Number One iliyofanyika kwenye hoteli ya Serena jijini Dar es salaam.
 Baada ya kuizungumzia video yake hiyo na changamoto aliyokutana nazo wakati wa kutengeneza video hiyo na ndipo alipomuita stejini mzee Gurumo na kuweka wazi  namna ambavyo amekuwa akimpenda na kumheshimu nguli huyo huku akisisitiza kuwa amesikitishwa na namna mzee huyo anavyohangaika kwa sasa.
Ndipo Diamond alipomuita jukwaani na kumkabidhi funguo wa gari hali iliyopelekea wageni waalikwa kupiga kelele za kushangilia baada ya kuguswa na tukio hilo.

Baada ya zoezi hilo, Diamond alimshika mkono mzee huyo na kisha wakiongozana na wageni waalikwa kwa pamoja walitoka nje na kwenda kuliangalia gari hilo kabla ya kurejea ndani na kuendelea na ratiba kama kawaida.
Akizungumzia Video yake hiyo alisema kuwa imemgharimu zaidi ya milioni 50 ambapo aliitengenezea nchini Afrika Kusini.
Ni Video nzuri na ya aina yake ambayo imegusa mazingira halisi ya maisha ambayo alikuwa akiyaimba katika wimbo wake huo wa mapenzi.

WAJUMBE BARAZA KUU UVCCM KUTOKA TANZANIA BARA WAWASILI ZANZIBAR JIONI HII KUSHIRIKI KIKAO

Bandari ya Zanzibar.

 Baadhi ya wajumbe wa Baraza Kuu ya UVCCM ambao wamechanganyika na abiria wengine, wakiwa kwenye gati baada ya kushuka katika boti.

 Baadhi ya wajumbe wa Baraza Kuu la UVCCM kutoa Tanzania Bara wakitoka bandarini baada ya kuwasili mjini Zanzibar kwa ajili ya kikao cha Baraza hilo kitakachofanyika kesho, Afisi Kuu ya CCM, Kisiwandui

 Baadhi yao wakisubiriana kabla ya kupanda mabasi maalum yaliyoletwa bandarini kuwabeba

 Wajumbe wakiwa katika mabasi.

 Wajumbe wakiwasili Afisi Kuu ya UVCCM Zanzibar.

 Baada ya wajumbe hao kushuka.

Kikundi cga Bras Band cha UVCCM Zanzibar kikijifua kwa mazoezi kwa ajili ya mkutano wa kesho.Imetayarishwa na theNkoromo Blog

TV, REDIO ZINADUMAZA MUZIKI WA DANSI

MUHIDIN GURUMO

SHEM KARENGA

STEVEN HIZZA

MUZIKI wa dansi ulioanzishwa miaka ya 1930 katika miji ya mwambao wa Bahari ya Hindi, kama vile Tanga na Dar es Salaam, unaendelea kupendwa na kuchezwa hadi leo, ijapokuwa bendi nyingi za zamani zimekufa na zilizoko zinajikongoja.
Wakati ulipoanzishwa, muziki huu ulikuwa na vionjo vya muziki wa soukous kutoka Congo -Kinshasa. Bendi nyingi za Tanzania zilizoanzishwa wakati huo, zilikuwa zikiiga muziki wa Congo.
Hata hivyo, muziki huo ulianza kuwa na mabadiliko kadri miaka ilivyokuwa ikisonga mbele. Bendi kama NUTA Jazz, Dar es Salaam Jazz, Morogoro Jazz na Tabora Jazz zilianza kubuni mitindo yake ya muziki na kuwa na mvuto kwa mashabiki.
Mikoa ya Morogoro na Tanga ilikuwa ikiongoza kwa kuwa na bendi nyingi, ambazo hivi sasa haziko katika ulimwengu wa muziki, zikiwemo Paloma Jazz, Cuban Marimba, Les Cubano, Vina vina Orchestra, Sukari Jazz, Kilombero Jazz, Malinyi Jazz, Kwiro Jazz, Mahenge Jazz na Kilosa Jazz za Morogoro.
Bendi zilizokuwepo katika mji wa Tanga ni Atomic Jazz, Jamhuri Jazz, Tanga International, Amboni Jazz, Bandari Jazz, Watangatanga, Lucky Star na Black Star.
Mwanzoni mwa miaka ya 1970 hadi 1980, ziliibuka bendi nyingine nyingi zilizokuwa na maskani katika Jiji la Dar es Salaam. Miongoni mwa bendi hizo ni Orchestra Safari Sound, Uda Jazz, Urafiki Jazz, MCA Internatinal, Washirika Stars, Orchestra Maquis Original, Dar International, Mlimani Park Orchestra na Vijana Jazz.
Kila bendi ilikuwa na mtindo wake wa uchezaji, baadhi ya mitindo iliyovuma miaka ya 1970 hadi 1980 ni Ogelea piga mbizi wa Maquiz, Takatuka na Pambamoto ya Vijana Jazz, Msondo wa NUTA Jazz, Sikinde wa Mlimani Park, Ndekule wa OSS na Super Bomboka wa Dar International.
Hata hivyo, mitindo hii ya muziki ilikuwa ni ubunifu wa majina kwa lengo la kuziongezea umaarufu bendi.
Upigaji muziki wa bendi nyingi ulikuwa ukifanana, ndiyo sababu unaitwa muziki wa dansi na hata uchezaji wake unafanana.
Kwa kawaida, nyimbo za muziki wa dansi huanza kwa kupigwa polepole kusisitiza ujumbe kwa wasikilizaji, baadaye hatua kwa hatua hupigwa kwa haraka. Kipande hiki huitwa mchemko, kwani ngoma na magitaa huongezwa sauti.
Ushindani na kupigana vijembe kwa bendi za muziki ulikuwa mkubwa na ni muhimu kwa muziki wa dansi. Kwa mfano, Maquis Original ilikuwa na ushindani na Safari Sound, OTTU Jazz ilikuwa ikishindana na Mlimani Park, Morogoro Jazz na baadaye Super Volcano zilikuwa na ushindani na Cuban Marimba wakati Jamhuri Jazz ilikuwa ikichuana na Atomic Jazz.
Licha ya bendi nyingi za muziki wa dansi kufa, bado nyimbo za zamani zina mashabiki. Hili ni kutokana na tungo zake kuwa na ujumbe unaogusa jamii, ala za muziki kupigwa kwa mpangilio wa kuvutia na pia kuwepo vionjo vyenye mvuto, vikiwemo vya asili ya makabila ya Tanzania.
Popote zinakopigwa nyimbo za zamani, mashabiki hupatwa na hisia, iwe redioni au kwenye kumbi za burudani. Ni nyimbo zisizo chuja kuzisikiliza.
Nyimbo hizi zinapopigwa humfanya msikilizaji kukumbuka ya kale au kuhusisha mambo hayo na hali ya maisha ya sasa.
Nyimbo kama vile Dada Asha, Rosa, Chakula kwa jirani na Dada Lemi za bendi ya Tabora Jazz iliyokuwa na maskani mkoani Tabora, ni miongoni mwa ambazo ladha yake haijachuja.
Ni kutokana na hilo ndiyo maana bendi kama ya Soukouss Stars ya Jamhuri ya Kidemokrasi ya Congo iliiga kibao cha Dada Asha na kukipiga upya.
Bendi nyingine iliyotikisa anga za muziki nchini ilikuwa Super Volcano ya Morogoro, iliyoongozwa na Mbaraka Mwinshehe (sasa marehemu), ambayo ilitikisa anga la muziki kwa vibao Shida, Jogoo la Shamba, Mashemeji wangapi, Dk. Kleruu na Taifa Stars.
Western Jazz, Dar Jazz, Atomic Jazz, Jamhuri Jazz na Kilwa Jazz ni miongoni mwa bendi zingine zilizotamba nchini kimuziki miaka ya 1960 hadi 1970. Hivi sasa bendi hizo hazipo.
Bendi hizi zilipotea katika anga ya muziki moja baada ya nyingine kutokana na sababu mbalimbali, zikiwemo za uchakavu wa vyombo.
Kufa kwa bendi nyingi za zamani kulitokana na wamiliki wake kushindwa kuziendesha kutokana na kuundwa na idadi kubwa ya wanamuziki. Kwa mfano, baadhi ya bendi zikiwemo zilizokuwa zikimilikiwa na mashirika ya umma, zilikuwa zikiundwa na wanamuziki kati ya 20 na 30.
Bendi chache zilizoko na zinazoendelea kupiga muziki wa dansi ni Mlimani Park, Msondo Ngoma, Twanga Pepeta, FM Academia, Akudo Impact, Mashujaa Band, Mapacha Watatu, Vijana Jazz na Tabora Jazz.
Licha ya kuwa na mvuto, nyimbo nyingi za zamani ni nadra kusikika zikipigwa kwenye vituo vya redio na televisheni nchini.
Vituo vingi vimekuwa vikipenda zaidi kupiga nyimbo za wasanii wa muziki wa kizazi kipya (bongo fleva) na zile za bendi zinazoundwa na baadhi ya wanamuziki kutoka nchi jirani ya DRC.
Hali hii imewafanya wanamuziki wengi wakongwe nchini wajenge hisia kwamba, baadhi ya vituo vya redio na televisheni nchini vina mpango wa kuua muziki wa dansi kwa kutopiga nyimbo hizo.
Kiongozi wa zamani wa bendi ya Kiko Kids iliyokuwa na maskani mkoani Tabora, Salum Zahoro, anasema ana hisia kuwa mpango huo umelenga kutoa nafasi kwa muziki wa kizazi kipya kupanda chati.
"Nyimbo zetu zinapendwa, lakini hazitakiwi na wamiliki wa redio na televisheni, hata hivyo, kila zinapopigwa, zinavutia zaidi kuliko nyimbo za vijana wa sasa," anasema Zahoro, ambaye kwa sasa ni kiongozi wa Shikamoo Jazz.
Zahoro anasema muziki wa dansi upo hatarini kutoweka kutokana na bendi nyingi za zamani kufa na zilizoko kusuasua.
Kwa mujibu wa Zahoro, tatizo lingine linalochangia nyimbo za zamani kutosikika redioni na kwenye televisheni ni gharama kubwa ya kurekodi nyimbo studio na kutengeneza video za muziki.
"Ukitaka kwenda studio kurekodi nyimbo, lazima uwe na si chini ya sh. 500,000 na ukitaka kutengeneza video ya wimbo mmoja, uwe na si chini ya sh. milioni 1.5. Kwetu sisi bendi za muziki si rahisi kumudu gharama hizi," anasema.
Aliyekuwa kiongozi wa Msondo Ngoma, Muhidin Gurumo, anaamini bendi zilizoko sasa zinazopiga muziki wa dansi, zitatoweka iwapo vituo vya redio na televisheni vitaendelea kutopiga nyimbo zao.
"Ukifungulia televisheni yoyote, kuanzia asubuhi hadi jioni, nyimbo zinazopigwa ni za bongo fleva tu. Huwezi kusikia nyimbo za muziki wa dansi. Hii maana yake ni kwamba, vyombo hivi vinaua muziki wetu makusudi," anasema.
Mwanamuziki mkongwe na kiongozi wa bendi ya Tabora Jazz, Shem Karenga, anasema, uamuzi wa baadhi ya vituo vya redio na televisheni nchini kutopiga nyimbo za zamani si mzuri kwa sababu umelenga kuwadhoofisha wanamuziki wakongwe.
Hata hivyo, Karenga anaamini muziki wa dansi hauwezi kufa. Anasema muziki utakaokufa na kutoweka haraka ni ule wa kizazi kipya, ambao huwekwa mipigo yake kwa  kutumia kompyuta.
"Enzi zetu tulikuwa tunatunga nyimbo na kupiga muziki kwa utaalamu kwa kuzingatia utaratibu na kanuni za upigaji muziki. Nyimbo za zamani zilipigwa kwa kutumia ala na alama za muziki, ndio sababu hazichuji," anasema Karenga.
Naye Kiongozi wa zamani wa bendi ya Atomic Jazz, Zigi Said, anasema muziki wa dansi ni ala, si kutunga mashairi, hivyo si rahisi kutoweka hata kama vituo vya redio na televisheni vitaacha kupiga nyimbo hizo.
"Muziki wa dansi utaendelea kudumu kwa miaka mingi, lakini muziki wa kizazi kipya hauna maisha marefu kwa sababu wanamuziki wake hawana ubunifu katika mipigo ya ala. Mtu anatunga mashairi, anakwenda studio, anatengenezewa mipigo, anaimba, tayari unakuwa wimbo," anasema.
Hata hivyo, Zigi anasema muziki wa kizazi kipya ni matokeo ya mabadiliko ya teknolojia duniani, ndiyo sababu unapendwa zaidi na vijana, na ndiyo walio wengi kwenye vituo vya redio na televisheni.
Mmoja wa wakurugeni wa bendi ya The Kilimanjaro, Waziri Ally, anasema muziki wa bendi bado uko hai, hususan kwenye kumbi za burudani.
Hata hivyo, anasema anashangazwa na watangazaji wa baadhi ya vituo vya redio kuwataka warekodi nyimbo zisizozidi dakika tano.
"Hili ni jambo la ajabu, haiwezekani muziki wa dansi kupigwa kwa dakika tano. Hii ni sababu mojawapo ya kuua muziki kwa kutoupa nafasi ya kutosha kwenye vituo vya redio na runinga,” anasema Waziri.
Mwanamuziki mkongwe na mchambuzi wa masuala ya muziki, John Kitime, anasema kuanzishwa kwa vituo vingi vya redio za FM kumechangia kuua muziki wa dansi kwa sababu watayarishaji wake wamekuwa wakipenda zaidi kupiga muziki kutoka nje ya nchi.
 "Watangazaji wa vituo hivi wamejikita zaidi kupiga na kuutangaza muziki wa nje, wameupa kisogo muziki wa nyumbani. Chama cha Muziki wa Dansi Tanzania (CHAMUDATA) nacho kimeshiriki kuua muziki huu," anasema.
Kitime anasema chama hicho kilishiriki kumleta nchini mwanamuziki kutoka DRC, Awilo Longomba na kufanya maonyesho kadhaa katika mikoa ya Dar es Salaam, Arusha na Mwanza.
Kwa mujibu wa Kitime, vyombo vya habari vilipoamua kutoa kipaumbele kwa kupiga muziki wa Congo, bendi nyingi za nchini ziliamua kuiga na kupiga katika mirindimo ya nchi hiyo kwa lengo la kukabiliana na ushindani wa soko.
Kitime anasema uamuzi wa bendi hizo kuiga mitindo ya Kicongo haukuzisaidia katika kuongeza soko la muziki wao, bali kujichimbia kaburi na hadi sasa hawajui watatokaje.
“Ni sawa na kusema tumeingia kwenye shimo kubwa, hatuji tutatokaje. Hii imesababishwa na vyombo vya habari, hususan redio za FM,” anasema.
Baadhi ya mashabiki wa muziki wa zamani wanalalamikia utaratibu wa vituo vingi vya redio nchini kutopiga nyimbo za zamani.
"Mwisho mwa wiki nimejiwekea utaratibu wa kusikiliza nyimbo za zamani kupitia baadhi ya vituo vya redio vinavyoandaa vipindi maalumu vya muziki huo," anasema Aloyce Jonathan, mkazi wa Temeke, Mwembe Yanga, Dar es Salaam.
Juma Mkude (45), mkazi wa Tandika, Dar es Salaam, anasema vituo vingi vya redio vinashindwa kupiga nyimbo za zamani kwa sababu havina nyimbo hizo kwenye maktaba zake na watangazaji wake hawazijui.
"Watangazaji wengi ni vijana, ndiyo sababu wanapenda muziki wa bongo fleva wa vijana wenzao. Hawana kumbukumbu ya nyimbo za zamani," anasema.
Hassan Athumani, mkazi wa Makorola, mjini Tanga, anasema kufa kwa mashindano ya bendi za muziki wa dansi nchini (MASHIBOTA) kwa kiasi kikubwa kumechangia kuzifanya bendi nyingi zitoweke kwenye ulimwengu wa muziki.
 "Angalau mashindano haya yalikuwa yakizifanya bendi ziwe na ushindani wa kuwania ubingwa, hivyo kuendelea kuziweka hai. Baada ya kufa kwake, na bendi nazo zimekufa," anasema.
Kwa upande wake, Shirika la Utangazaji Tanzania (TBC), linatajwa kuwa mstari wa mbele katika kuhifadhi nyimbo za zamani kwa ajili ya vizazi vijavyo.
Mmoja wa watangazaji wa vipindi vya muziki wa zamani wa TBC FM, Mbazigwa Hassan, anasema shirika hilo lina utaratibu mzuri wa kuhifadhi nyimbo hizo, hivyo haziwezi kutoweka.
Mbazigwa anasema nyimbo hizo, ambazo baadhi zipo kwenye santuri na kanda za kaseti, zimekuwa zikihifadhiwa kwa kutumia teknolojia maalumu ili kuzifanya zisiharibike na pia ziweze kutumika kwa muda mrefu.
Kwa mujibu wa Mbazigwa, TBC ina utaratibu wa kupiga nyimbo za zamani kupitia vipindi vyake mbalimbali, vikiwemo vipindi maalumu vya muziki huo, kama vile Zilipendwa na Pachanga.
Kutokana na maombi ya mashabiki wa muziki wa zamani, Mbazigwa anasema TBC imeanzisha utaratibu wa kuuza nyimbo hizo katika ofisi zake zilizoko Barabara ya Nyerere na Zanaki, mjini Dar es Salaam.
Hata hivyo, Mbazigwa anasema kutokana na utaratibu wa sasa wa wasanii kurekodi nyimbo holela katika studio mbalimbali, si rahisi nyimbo hizo kutunzwa na kudumu kwa muda mrefu.
"Labda kama mmiliki wa studio ana utaratibu maalumu wa kuhifadhi nyimbo za wasanii wote wanaokwenda kurekodi kwake. Vinginevyo, nyimbo za vijana hazitaweza kudumu kwa muda mrefu," anasema.
Justine Limonga, mtangazaji wa kituo cha redio cha Uhuru FM, anasema vituo vya redio havikusudii kutopiga nyimbo za zamani, isipokuwa vingi havina programu za nyimbo hizo.
"Redio zinazopiga nyimbo za zamani ni chache na zimeweka muda maalumu wa kufanya hivyo kupitia vipindi vyake, ikiwemo Uhuru FM," anasema.
Limonga anasema watangazaji wengi wa redio ni vijana ndiyo sababu mapenzi yao yako kwenye muziki wa kizazi kipya, kwa kuwa hawaufahamu vyema muziki wa zamani.
"Huwezi kuwa mtangazaji wa nyimbo za zamani kama huzipendi. Lazima uzipende, uzijue na uzitafute. Mimi nazifahamu na ninazitafuta kwa ajili ya kuzipiga," anasema.
Modest Msangi, mtangazaji wa Redio Tumaini na kituo cha televisheni cha Tumaini anasema vipo baadhi ya vituo vya redio, ambavyo watangazaji wake wamejiwekea utaratibu wa kuomba chochote kutoka kwa wasanii ili wawapigie nyimbo zao.
"Wakati mwingine, mtangazaji akipelekewa wimbo, anamuuliza msanii, nani kautengeneza? Umerokodiwa studio gani? Lengo lake ni kutaka amtafute mmiliki wa studio ili amuombe chochote aweze kupiga wimbo alioutengeneza kwa lengo la kumtangaza kibiashara," anasema.
Kwa mujibu wa Msangi, baadhi ya watangazaji wanalaumiwa kwa kukusanya nyimbo za wasanii mmoja mmoja na kutengeneza albamu bila ya ridhaa yao.
Msangi anasema kwa vituo vya televisheni, ni vigumu kupiga nyimbo za zamani kwa sababu hazikuwahi kurekodiwa kwenye video.
Anasema nyimbo za zamani zinazopigwa na vituo hivyo ni zile zilizorekodiwa kuanzia miaka ya 1990 baada ya kuanzishwa kwa teknolojia hiyo.
Ally Kashushu, mtangazaji wa kituo cha redio cha Capital anasema, si kweli kwamba nyimbo za zamani hazipigwa kwa kukusudia, bali watangazaji wengi hawaujui muziki wa zamani.
"Kama wapo wanaoujua, basi ni kwa kuusikiliza, hawawezi kuuelezea kwa kina kuhusu historia za wanamuziki wake, nani alipiga ala fulani na nani aliimba. Kwa jumla redio nyingi zilizoko sasa ni za kizazi kipya," anasema.
Kashushu anasema kukosekana kwa waandaaji wa vipindi vya muziki wa zamani, ndiko kunakosababisha vituo vingi vya redio visiwe na vipindi hivyo kwa ajili ya wasikilizaji.