SCHOLES AMKUNA FERGIE AKIFUNGA KTK MECHI YA 700

MANCHESTER, England

Wakati Man United ikihaha kujaribu kuipenya safu ya ulinzi ya Wigan, huku Chicharito akikosa penati ya kipindi cha kwanza, aina sahihi ya upiganaji wa Scholes ukairejesha mchezoni United kipindi cha pili

KOCHA wa Manchester United ya England, Sir Alex Ferguson amempigia saluti kiungo wake Paul Scholes, baada ya mkongwe huyo kucheza mechi ya 700 akiwa na Mashetani Wekundu, huku akifunga bao moja katika ushindi wa mabao 4-0 dhidi ya Wigan huko Old Trafford.

Wakati United ikihaha kujaribu kuipenya safu ya ulinzi ya Wigan, huku Javier Hernandez ‘Chicharito’ akikosa penati ya kipindi cha kwanza jana Jumamosi, aina sahihi ya upiganaji wa Scholes ukairejesha mchezoni United kipindi cha pili alichotikisa nyavu.

Nyota huyo mwenye miaka 37, alifunga bao hilo akimlazimisha mlinda mlango wa Wingani Ali Al-Habsi kufanya jaribio la pili la kuokoa hatari baada ya kupangua krosi ya winga Nani.

Baada ya bao hilo United ikasimama imara na kufunga mengine kupitia Chicharito, Alexander Buttner na Nick Powell.

Bao la Scholes limemfanya apanue rekodi ya utikisaji nyavu katika mechi hiyo ya kihistoria kwake na kuthibitisha kile United chini ya Ferguson ilichokosa kutoka kwa nyota huyo, aliyeshawishiwa kurudi dimbani Januari mwaka huu kuokoa jahazi baada ya kuwa alishastaafu.

"Ndicho kitu ambacho sisi daima tulikuwa tukikimbuka kuhusu Paul, namna anavyofanya maajau kama hayo afikapo eneo la hatari la wapinzani," alisema Ferguson baada ya kumalizika kwa mechi hiyo.

"Ni wazi kwamba ameshakuwa mkubwa kiumri, yeye hajaweza kufanya haya. Kwamba yeye ahitaji kufanya hivyo kwa sababu sisi tunapenda kumtumia kama kiungo wa kati, sio wa mbele katika ufungaji mabao.

"Lakini ndicho alichofanya dimbani, alifunga bao katika mechi yake ya 100, akafanya hivyo katiika mechi ya 300, akarudia tena wakati akicheza mechi ya 400, 500 na sasa amerejea hilo katika mechi ya 700. Ni jambo la kushangaza sana," alisema Fergie aliyemrejesha dimbani.