Tamasha la muziki wa dansi linalojumuisha bendi za zamani na za kisasa
lijulikanalo kama raha za jana na leo ambapo jumla ya bendi sita
zitapanda jukwaa moja kuonyeshana umwamba nani zaidi katika kukonga
nyoyo za mashabiki siku hiyo.
Waandaji wa tamasha hilo ambao ni Yuneda
Entertainment wasema dhumuni la tamasha hilo ni kukutanisha radha ya
muziki wa dansi ya kale na ya kisasa katika jukwaa moja ikiambatana na
kuwaliwaza watoto waishio bila wazazi kwa kula nao, kucheza na
kuwakumbuka wanamuziki wa dansi waliotangulia mbele ya haki.
Akiongea na
mwandishi wa habari hizi mratibu wa Tamasha hilo Kahabi Ng’wendesha
amesema kuwa tamasha hilo litajumuisha bendi sita za muziki wa dansi
nchini Tanzania ikiwemo bendi nne za muziki wa dansi wakongwe na bendi
mbili za muziki wa dansi kizazi kipya.
Bwana Kahabi akizitaja bendi hizo
kuwa ni Sikinde, Msondo ngoma ,Twanga pepeta,Mashujaa musica,King kiki
na Hamza kalala. Tamasha la Raha za jana na leo litafanyika siku ya
jumamosi tarehe 6 mwezi wa saba katika viwanja vya chuo cha posta
mkabala na chuo cha ustawi wa jamii vilivyopo jijini Dar es salaam
ampapo milango ya uwanja itakuwa wazi kuanzia saa tano asubuhi hadi
majogoo.
Akitangaza vingilio vya siku hiyo Bwana Kahabi alisema kuwa
watoto wataingia bure kabisa kuanzia saa tano hadi saa kumi na mbili
ambapo watashiriki katika michezo na watoto wenzao waishio bila ya
wazazi ikiwa ni fursa ingine kujumuika pamoja katika michezo mbalimbali.
Pia kwa upande wa wakubwa watatozwa tshs 8000 tu mlangoni ambapo
vinywaji na nyama choma zitapatikana ndani ya uwanja kwa muda wote kwa
bei ya kawaida kabisa.
Wito umetolewa kwa wazazi kuwaleta watoto wao
siku hiyo ya tamasha la Raha za jana na leo ili wajumuike na watoto
wenzao katika michezo mbalimbali,pia zawadi ndogondogo zitatolewa kwa
watoto watakaonesha vipaji katika fani mbalimbali.
No comments:
Post a Comment