‘BADRA’ KUACHIA FILAMU MPYA YA ‘DAMAGE’…!!

MSANII ambaye wa filamu ambaye pia anafanya muziki wa Hip Hop, Latifah Idadu ‘Badra, amesema kuwa anatarajia kuachia filamu yake mpya hivi karibuni inayokwenda kwa jina la ‘Damage’ ambayo itashirikisha wasanii kibao wa tasnia hiyo.

Akizungumza na mtandao wa Huu msanii huyo ambaye kwa sasa yupo mkoani Singida kwa mama yake mzazi, alisema kuwa filamu hiyo imeshakamilika na hivi sasa ipo kwenye hatua za mwisho za editing na baada ya hapo itaingia sokoni.

Badra aliongeza kuwa mara zote amekuwa akitoa filamu si kwa kukurupuka ndiyo maana mashabiki wake wanakuwa na hamu ya kuzitazama hivyo anawasihi kusubiri kazi hii kwa hamu kwani hakuna kipande ambacho kinaweza kuwatia uvivu wa kuitazama kazi hiyo.

“Nilikuwa kimya kwenye muziki kwa sababu nilikuwa namalizia kushuti filamu yangu hata hivyi nimeshamaliza na kazi ipo kwenye editing hivyi muda wowote inaweza kutoka ingawa tutaipekeka sokoni bila uzinduzi wowote,” alisema Badra.

Hata hivyo kwenye upande wa muziki alisema kuwa alikuwa kimya kidogo kwani alikosa muda wa kutoka shutingi ya filamu na kuigia studio kwani alikuwa anachoka sana lakini sasa mambo yanaenda sawa na mashabiki wake wakae tayari.