SHAKASHIA WA TWANGA NAYE KUTIMKIA MASHUJAA?

Mpiga Solo wa Bendi ya Twanga, Shakashia (kulia) akiwa kazini na Mpiga solo mwenzake Ally Akida, katika moja ya maonyesho ya bendi hiyo hivi karibuni.

BAADA ya Bendi ya muziki wa dansi ya Mashujaa Muzika kuiandama bendi ya African Stars 'Twanga Pepeta' kwa kuzidi kunyakua wanamuziki wa beni hiyo hivi karibuni ilipoanza zoezi hilo kwa kumng'oa aliyekuwa kinara wa bendi hiyo, Chaz Baba na siku tatu zilizopita kutangaza kumtwaa na mnenguaji mahiri wa bendi hiyo, Lilian Internet, Sasa habari za chini ya kapeti zilizoufikia mtandao huu kutoka kwa mmoja wa wadau ambaye pia ni 'Mshkaji' wa kaibu na Mpiga Solo huyo, zinadai kuwa bendi hiyo hivi sasa imedhamilia kumng'oa kwa bei yeyote mpiga solo mahiri wa Twanga, SHAKASHIA.

Akizungumza na Mtandao huu wa , 'Mshkaji' wa karibu wa mpiga solo huyo, ambaye hakupenda jina lake liandikwe, alisema kuwa tayari bendi ya Mashujaa imeshafanya mazungumzo na mchezea nyuzi huyo na mambo yanaendelea vizuri ambapo alidai kuwa wakati wowote mambo yatawekwa hadhalani.

Aidha mtonyaji huyo alizidi kuchimba kuwa mbali na Shakashia pia bado wapo wanamuziki kadhaa wa Twanga wanaotarajia kujiunga na kutambilishwa katika jukwaa la bendi ya Mashujaa ambao hakupenda kuwekwa wazi kwa majina yao.